საფრანგეთის ელჩი - ამერიკელმა და ევროპელმა ელჩებმა სრულიად შესანიშნავი საქმე შეასრულეს შეთანხმების ფასილიტაციისას

ამერიკელმა და ევროპელმა ელჩებმა სრულიად შესანიშნავი საქმე შეასრულეს ამ შეთანხმების ფასილიტაციისას, - ასე უპასუხა საფრანგეთის ელჩმა საქართველოში დიეგო კოლასმა კითხვას აშშ-ის ელჩის, კელი დეგნანის მისამართით ქართველი პოლიტიკოსების მხრიდან გაკეთებული განცხადებების შესახებ.

„ვფიქრობ, ამერიკელმა და ევროპელმა ელჩებმა სრულიად შესანიშნავი საქმე შეასრულეს ამ შეთანხმების ფასილიტაციისას. შარლ მიშელისა და დანიელსონის ევროპული შუამავლობით შეთანხმებამ საქართველოში ძალების გაერთიანება მოახდინა. იმედი მაქვს, რომ ეს შეთანხმება სათანადოდ განხორციელდება და გააძლიერებს ქართულ დემოკრატიას“, - განაცხადა დიეგო კოლასმა.

რაც შეეხება პოლიტიკური კრიზისისა და ნიკა მელიას საკითხს, ელჩმა აღნიშნა, რომ შეთანხმების მიზანი კრიზისიდან გამოსვლაა და ეს ნაბიჯ-ნაბიჯ უნდა განხორციელდეს.

„ვფიქრობ, რომ ამ შეთანხმების მიზანია კრიზისიდან გამოსვლა და ეს უნდა განხორციელდეს ნაბიჯ-ნაბიჯებ, კეთილსინდისიერად და შეთანხმების განხორციელების სულისკვეთებით. ამის მთელი ლოგიკა მდგომარეობს ქართული დემოკრატიისა და ქართული ინსტიტუტების გაძლიერებაში. იმედი მაქვს, რომ ეს ასე მოხდება. საქმე ეხება ყველასთვის სწორი ნაბიჯების პოვნას, რომ შეთანხმება სწორად განხორციელდეს“, -აღნიშნა მან.

შეგახსენებთ, შალვა ნათელაშვილმა ცოტა ხნის წინ აშშ-ის ელჩი კელი დეგნანი და ევროკავშირის ელჩი კარლ ჰარცელი გააკრიტიკა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა