ეკა გიგაურის განცხადებით, მნიშვნელოვანია, ამნისტიის კანონპროექტი ისე მიიღონ, რომ ის წინააღმდეგობაში არ მოდიოდეს კონსტიტუციასთან და საერთაშორისო სამართლის ნორმებთან

„საერთაშორისო გამჭვირვალობა-საქართველოს“ აღმასრულებელი დირექტორის ეკა გიგაურის განცხადებით, მნიშვნელოვანია ამნისტიის კანონპროექტი მიიღონ ისე, რომ ის წინააღმდეგობაში არ მოდიოდეს საქართველოს კონსტიტუციასთან და საერთაშორისო სამართლის ნორმებთან. ამის შესახებ ეკა გიგაურმა ჟურნალისტებს სასტუმრო „რუმსში“ განუცხადა, სადაც შეთანხმების დოკუმენზე ხელმომწერ ოპოზიციასა და არასამთავრობო ორგანიზაციებს შორის შეხვედრა გაიმართა.

„ინფორმაცია გავცვალეთ იმაზე, როგორ მიმდინარეობდა მოლაპარაკების პროცესი და რა დათქმები იყო ამნისტიასთან დაკავშირებით, რაც იყო ძალიან საინტერესო. აქ, როგორც ჩანს, საუბარი არ იყო კონვენციურ მუხლებზე და საუბარი იყო მხოლოდ ბრალდებულებზე, იმათზე, ვისთან მიმართებითაც უკვე აღძრულია საქმე. ეს გვაფიქრებინებს, რომ თუკი მომავალში დადგინდება იმ ადამიანთა ვინაობა, რომლებიც ჩართულები იყვნენ დანაშაულში და თუკი იქნება პოლიტიკური ნება, გამოძიება სწორად დაიწყება და გამოძიების პერიოდში მუხლები სწორად განისაზღვრება, ამ ადამიანების პასუხისმგებლობის დაყენება მომავალში მაინც იქნება შესაძლებელი. ამიტომ, ეს არის ის, რა ინფორმაციაც მივიღეთ.

ცხადია, არანაირი გადაწყვეტილება არ მიგვიღია. ჩვენთვისაც ძალიან მნიშვნელოვანია, რომ ამნისტია მიღებული იქნას ისე, რომ ის არ ეწინააღმდეგებოდეს საქართველოს კონსტიტუციას, საერთაშორისო სამართლის ნორმებს. დაზარალებულთა უფლებების დარღვევაში ჩართული პირები ჯერჯერობით დადგენილი არ არის, ასევე ისინი ვინც უკანონო ბრძანებას გასცემდა და მთავარია მომავალში დადგეს ამ ადამიანების პასუხისმგებლობის საკითხი “, - აცხადებს გიგაური.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს