საია-ს ხელმძღვანელი - საერთაშორისო კანონმდებლობა კრძალავს, რომ ამნისტია ან შეწყალება პოლიციელების მხრიდან ჩადენილ მნიშვნელოვან დანაშაულებზე გავრცელდეს

საია-ს ხელმძღვანელის ნიკოლოზ სიმონიშვილის განცხადებით, საერთაშორისო კანონმდებლობა კრძალავს, რომ ამნისტია ან შეწყალება პოლიციელების მხრიდან ჩადენილ მნიშვნელოვან დანაშაულებზე გავრცელდეს. ამის შესახებ სიმონიშვილმა ჟურნალისტებს შეთანხმების დოკუმენტზე ხელმომწერ ოპოზიციასა და არასამთავრობოებს შორის გამართული შეხვედრის დასრულების შემდეგ განუცხადა.

მისი თქმით, შეხვედრა ძალიან მნიშვნელოვანი იყო და კარგი იქნებოდა, რომ მსგავსი ტიპის შეხვედრა ხელისუფლების მხრიდანაც ყოფილიყო ინიცირებული.

„ჩვენი რეკომენდაციები შეეხებოდა იმას, რომ საერთაშორისო კანონმდებლობა კრძალავს ამნისტია ან შეწყალება იყოს გავრცელებული პოლიციელების მხრიდან ჩადენილ მნიშვნელოვან დანაშაულებზე და შესაბამისად, ეს არის სამართლებრივი, პოლიტიკური მხარე. როგორ გადაწყდება, რამდენზე გავრცელდება (ამნისტია) ანუ ეს იქნება ფართო თუ შეზღუდული, რა თქმა უნდა, ეს საბოლოოდ პარლამენტის გადასაწყვეტია. ჩვენი არგუმენტები მოისმინეს პოლიტიკოსებმა, რამდენად გასაგები და მისაღებია, ეს უკვე მათზეა დამოკიდებული“, - აცხადებს სიმონიშვილი.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!