დავით კოდუა კვლავ კოვიდკლინიკაში იმყოფება

ცოლისა და შვილის მიმართ ძალადობის ფაქტზე დაკავებული ბიზნესმენის, დავით კოდუას ჯანმრთელობის მდგომარეობა, რომელსაც რამდენიმე დღის წინ კორონავირუსი დაუდასტურდა, სტაბილურია.

როგორც „ინტერპრესნიუსთან“ საუბარში კოდუას ერთ-ერთი ადვოკატი, გიორგი სიბაშვილი აცხადებს, კოდუა კოვიდკლინიკაში გადის მკურნალობას და ვირუსის მხრივ მას გართულებები არ აქვს. თუმცა, სიბაშვილის თქმითვე, დავით კოდუას მხარზე მყესი აქვს გაწყვეტილი და სასწრაფო ოპერაციას საჭიროებს. ადვოკატის განმარტებით, მისი დაცვის ქვეშ მყოფს დაგეგმილ ოპერაციასთან დაკავშირებით ჩაუტარდა კოვიდტესტირება, რა დროსაც მას აღნიშნული ვირუსი დაუდასტურდა.

ცნობისთვის, დავით კოდუას თბილისის საქალაქო სასამართლომ აღკვეთის ღონისძიების სახით პატიმრობა 14 აპრილს შეუფარდა.

კოდუას ბრალი საქართველოს სისხლის სამართლის კოდექსის 126 პრიმა მუხლის მე-2 ნაწილის ,,გ’’ ქვეპუნქტით (ოჯახის ერთი წევრის მიერ, ოჯახის სხვა წევრის მიმართ ძალადობა, რამაც ფიზიკური ტკივილი გამოიწვია, ჩადენილი ორი ან მეტი პირის მიმართ) განესაზღვრა, რაც სასჯელის სახედ და ზომად ერთიდან-სამ წლამდე თავისუფლების აღკვეთას ითვალისწინებს.

დავით კოდუა წარდგენილ ბრალდებაში თავს დამნაშავედ არ მიიჩნევს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა