„ლელოს“ ოფისში ოპოზიციური პარტიების წარმომადგენლების შეხვედრა მიმდინარეობს

პარტია “ლელოს” ოფისში ოპოზიციური პოლიტიკური პარტიების წარმომადგენლების შეხვედრა მიმდინარეობს.

დღევანდელ შეხვედრას ევროპული საბჭოს პრეზიდენტის, შარლ მიშელის მიერ წარდგენილ დოკუმენტზე ხელმომწერი ოპოზიციური პარტიები და პარლამენტის არჩეული წევრები ესწრებიან.

დღევანდელ შეხვედრაზე ოპოზიციური პარტიები ამნისტიის კანონპროექტზე იმსჯელებენ, რომელიც პარლამენტში ხვალ უნდა დარეგისტრირდეს.

პარლამენტის არჩეული წევრის, სალომე სამადაშვილის ინფორმაციით, კანონპროექტი ხვალ ყველა შემთხვევაში დარეგისტრირდება, თუმცა როგორ განვითარდება შემდგომში მოვლენები, ჯერ კიდევ უცნობია.

,,ხვალ იწყება შეთანხმების შესრულების პირველი ეტაპი. ჩვენ ხვალ მივალთ საქართველოს პარლამენტში დავრეგისტრირდებით და ხვალვე განხორციელდება გიორგი რურუას შეწყალების აქტი პრეზიდენტის მიერ. ამიტომ, ხვალ არის მნიშვნელოვანი დღე ამ ისტორიული შეთანხმების განხორციელების თვალსაზრისით, ცხადი, ჩვენ ბევრი რამე გვაქვს დასაგეგმი და სასაუბრო. ხვალვე დარეგისტრირდება ამნისტიის კანონპროექტი, ჩვენ ვაგრძელებთ კონსულტაციებს კანონპროექტის შინაარსთან დაკავშირებით და ვნახოთ, რა წერტილამდე მივალთ. ხვალ დარეგისტრირდება ყველა შემთხვევაში კანონპროექტი, თუმცა როგორ განვითარდება შემდგომში მოვლენები, ამას ვნახავთ. ჩვენი პოზიცია ნათელია, ვაპირებთ, ამნისტიის კანონპროექტში ჩაიდოს, რომ ამნისტირება შეეხება იმ მიმდინარე საქმეებს, რომლებიც აღძრული იყო 19-21 ივნისის მოვლენებთან დაკავშირებით”, - აღნიშნა სალომე სამადაშვილმა.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს