„საქსტატის“ აღმასრულებელი დირექტორი გაეროს ESCAP-ის 77-ე სესიაში მონაწილეობს

საქართველოს სტატისტიკის ეროვნული სამსახურის აღმასრულებელი დირექტორი, გოგიტა თოდრაძე გაეროს აზიისა და წყნარი ოკეანის ეკონომიკური და სოციალური კომისიის (UNESCAP) 77-ე სესიაში მონაწილეობს, რომელიც ონლაინ რეჟიმში იმართება. ამის შესახებ ინფორმაციას „საქსტატი“ ავრცელებს.

მათივე ინფორმაციით, სესია 26 აპრილიდან 29 აპრილის ჩათვლით მიმდინარეობს, სადაც გოგიტა თოდრაძე საქართველოს გარდა, გაეროს ESCAP-ის სტატისტიკის კომიტეტს წარმოადგენს, თავმჯდომარის რანგში.

„საქსტატის“ ცნობით, შეხვედრას აზიისა და წყნარი ოკეანის ქვეყნების მეთაურები და უმაღლესი რანგის დელეგატები, ასევე გაეროს ESCAP-ისა და საერთაშორისო ორგანიზაციების წარმომადგენლები ესწრებიან.

„მიმდინარე წლის სესიის მთავარ თემას ახალი კორონა ვირუსის, გავრცელებით გამოწვეული კრიზისის შემდგომი თანამშრომლობა და გაეროს მდგრადი განვითარების მიზნების 2030 წლის დღის წესრიგის განხორციელება წარმოადგენს.

გოგიტა თოდრაძემ თავის გამოსვლაში მონაწილეებს სტატისტიკის კომიტეტის საქმიანობის ანგარიში წარუდგინა. მან ასევე, ისაუბრა სტატისტიკის კომიტეტის მიღწევებზე და მონაწილეებს კომიტეტის მნიშვნელოვანი გადაწყვეტილებები გააცნო. მოხსენებისას ხაზი გაუსვა, ოფიციალური სტატისტიკის ისეთ პრიორიტეტულ საკითხებს, როგორიცაა გაეროს მდგრადი განვითარების მიზნების 2030 წლის დღის წესრიგით გათვალისწინებული საკითხების განხორციელება, სტატისტიკის სამსახურების შესაძლებლობების გაძლიერება, საერთაშორისო თანამშრომლობა, დიდი მონაცემების (Big Data) ფართოდ გამოყენება, გენდერული სტატისტიკის შემდგომი განვითარება, ეროვნული ანგარიშების წარმოება და სხვა.

სესიაზე მონაწილეები ასევე, განიხილავენ რეგიონის სოციალურ-ეკონომიკური განვითარების საკითხებს და დასახავენ სამომავლო გეგმებს“,- ნათქვამია ინფორმაციაში.

კახა გოგოლაშვილი - იმ ლოგიკით, რა ლოგიკითაც მოქმედებს ხელისუფლება ქვეყნის შიგნით და გარეთ, აზიანებს ქვეყნის ევროპულ პერსპექტივას
ქართული პრესის მიმოხილვა 03.12.2021
იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ