გია გაჩეჩილაძე - ეს ახალგაზრდები აღდგომა დღესასწაულზე დატოვეს ციხეში და ვახო სანაია ასამართლებს ხალხს

სამწუხაროდ, ასეთ ქვეყანაში ვცხოვრობთ. ეს ახალგაზრდები აღდგომა დღესასწაულზე დატოვეს ციხეში და ვახო სანაია ასამართლებს ხალხს, - ამის შესახებ მომღერალმა გია გაჩეჩილაძემ(უცნობმა) თბილისის საქალაქო სასამართლოში, ვახო სანაიაზე თავდასხმაში ბრალდებულების სასამართლო პროცესის დასრულების შემდეგ განაცხადა.

მისივე თქმით, ამ ქვეყანაში არანაირი სასამართლო და სამართლიანობის განცდა არ არსებობს.

„სამწუხაროდ, ასეთ ქვეყანაში ვცხოვრობთ, ეს ახალგაზრდები ამ აღდგომა დღესასწაულზე დატოვეს ციხეში, სამწუხაროდ, სანაია ასამართლებს ხალხს და ჟურნალისტების ფსიქოლოგიურ ტყვეობაში ვიმყოფებით ყველა. გამწარებული კაცი სანაიას რა მესიჯს გაუგზავნის, თურმე, ესეც ამ ბიჭების პასუხისმგებლობა ყოფილა. თქვენ გადაწყვიტეთ გარეთ ვინ არიან და ციხეში ვის ტოვებენ, სანამ არ ვიქნებით ყველანი ერთად, ასე გაგვიკეთებენ ყველას, როგორც დღეს ამ ბიჭებს ექცევიან. ამ ქვეყანაში არანაირი სასამართლო და სამართლიანობის განცდა არ არსებობს, ისეთი ადამიანები ხდებიან პოლიტპატიმრები, რომელთა ცხოვრება და მოღვაწეობაც მთელმა საქართველომ იცის“, - აღნიშნა გია გაჩეჩილაძემ.

ცნობისთვის, დღევანდელ სასამართლო პროცესზე თბილისის საქალაქო სასამართლომ ჟურნალისტ ვახო სანაიაზე თავდასხმაში ბრალდებულების საქმის მოსამართლემ, გიორგი კერატიშვილმა ადვოკატების შუამდგომლობა დაკავებულების თავდებობით გათავისუფლებასთან დაკავშირებით არ დააკმაყოფილა.

მოსამართლის განმარტებით, დაცვის მხრიდან რაიმე წონადი არგუმენტი არ მოუსმენია, რაც დასაბუთებული ვარაუდის სტანდარტით ქმედებების შესაძლო ჩადენას გააბათილებდა და თავდებში მყოფი პირები სანდო ურთიერთობაში უნდა იყვნენ ბრალდებულებათან.

სამართალდამცავებმა ვახო სანაიას მიმართ, მისი პროფესიული საქმიანობის გამო განხორციელებული დევნისა და დისკრიმინაციის ნიშნით შეუწყნარებლობის მოტივით მუქარის ფაქტზე 3 პირი დააკავეს. მათ ბრალდება საქართველოს სისხლის სამართლის კოდექსის 156-ე მუხლის მე-2 ნაწილის „ა“ ქვეპუნქტით, 151-ე მუხლის პირველი ნაწილით და 126-ე მუხლის პირველი ნაწილით წარედგინათ, რაც სასჯელის სახედ და ზომად 3 წლამდე თავისუფლების აღკვეთას ითვალისწინებს.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“