სერგო ჩიხლაძე - ნიკა მელია სასწრაფოდ უნდა გათავისუფლდეს, ამის ერთადერთი ბერკეტი ევროკავშირის გირაოა, სხვა ბერკეტი არ არსებობს

ნიკა მელია სასწრაფოდ უნდა გათავისუფდეს, ამის ერთადერთი ბერკეტი არის ევროკავშირის გირაო, სხვა ბერკეტი არ არსებობს, - ამის შესახებ “სტრატეგია აღმაშენებლის“ ერთ-ერმა ლიდერმა სერგო ჩიხლაძემ ჟურნალისტებს განუცხადა.

მისი თქმით, არც „ქართულ ოცნებას“ და არც არავის არ უნდა მიეცეს საშუალება, რომ მედიატორების საშუალებით ხელისუფლებასა და ოპოზიციას შორის მიღწეული შეთანხმებიდან რომელიმე პუნქტი მაინც ჩავარდეს.

„ეს არის სწორი პოზიაცია, დიახ, ნიკა მელია სასწრაფოდ უნდა გათავისუფდეს, ამის ერთადერთი ბერკეტი არის ევროკავშირის გირაო, სხვა ბერკეტი არ არსებობს. იმედი მაქვს, ეს ასე მოხდება და ნიკა მელია თავისუფალი იქნება. ამნისტიის კანონზე ჩვენ, ოპოზიციურმა პარტიებმა, ავიღეთ პასუხისმგებლობა. „სტრატეგია აღმაშენებლის“ სახელით გიდასტურებთ, რომ ამნისტიის კანონზე ბოლომდე ვიმუშავებთ. არ მივცემთ საშუალებს „ქართულ ოცნებას“ და არავის, რომ ამ შეთანხმების თუნდაც ერთი პუნქტი ჩავარდეს“, - განაცხადა ჩიხლაძემ.

რაც შეეხება საგამოძიებო კომისიის საკითხს, სერგო ჩიხლაძე აცხადებს, რომ დროებითი საგამოძიებო კომისია ძალიან კარგი მექანიზმია.

„საგამოძიებო კომისიას რა თქმა უნდა, პრინციულად არ ვეწინაღმდეგებით. ზოგადად, დროებითი საგამოძიებო კომისია ძალიან კარგი მექანიზმია მსგავსი საქმეების გამოსაძიებლად, ოღონდ ყველას გვესმის, რომ ეს პროცესი შესაძლოა, თვეები გაიწელოს და ამნისტიის კანონი კი, რაც შეიძლება დაჩქარებული წესით უნდა მივიღოთ. ასევე არ დაგვავიწყდეს, რომ საგამოძიებო კომისიასთან დაკავშირებით ძალიან ბევრი მტკიცებულება უკვე განადგურებულია. ამიტომ, ეს იქნება ხანგრძლივი პროცესი. მივესალმები, რომ ასეთი საგამოძიებო კომისია იყოს, უბრალოდ, არ დაგვავიწყდეს, ამნისტიის კანონი მისაღებია და ის ნებისმიერ შემთხვევაში, ამ პროცესს წინ გაუსწრებს“, - განაცხადა ჩიხლაძემ.

იხილეთ ვიდეო:

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს