ექიმი ლიკა ჯაბიძე - თუ ადამიანს ქრონიკული დაავადების გამწვავება დაუფიქსირდება, ამ პერიოდში არ უნდა აიცრას

დაავადებათა კონტროლისა და საზოგადოებრივი ჯანმრთელობის ეროვნული ცენტრის მთავარი სპეციალისტის, ლიკა ჯაბიძის განმარტებით, თუ ადამიანს ქრონიკული დაავადების გამწვავება დაუფიქსირდება, ამ პერიოდში არ უნდა აიცრას. როგორც მან ვებინარის დროს აღნიშნა, ქრონიკული დაავადებების მქონე პაციენტები ვაქცინაციას ექვემდებარებიან, თუმცა გამონაკლისია მაგალითად, „სინოფარმის“ ვაქცინა.

მისი თქმით, ქრონიკული, სერიოზული დაავადების ტერმინალურ სტადიაში სპეციალისტები აცრის რეკომენდაციას არ იძლევიან.

„სიმსივნური დაავადებები, თირკმლის პათოლოგიები, ასევე ამ ჯგუფში შედიან ორგანო გადანერგილი პაციენტები, ესენი პრიორიტეტულ რისკ-ჯგუფებში არიან და როდესაც ქვეყნის ვაქცინაციის დანერგვის გეგმა შეიქმნა, ისინი ერთ-ერთ პრიორიტეტულ ჯგუფში არიან ასაკისდა მიუხედავად. აქედან გამომდინარე, ძალიან ბევრი ქრონიკული დაავადება შედის ამ გეგმაში და ვაქცინაციას ექვემდებარებიან. გამონაკლისია ზოგიერთი ვაქცინისთვის, მაგალითად, „სინოფარმის“ ვაქცინისთვის. ქრონიკული, სერიოზული დაავადება, რომელიც არის ტერმინალურ სტადიაში, ამ დროს ისინი არ იძლევიან აცრის რეკომენდაციას. ასევე, გასათვალისწინებელია, რომ თუ არის ქრონიკული დაავადების გამწვავება, ამ პერიოდში ადამიანი არ უნდა აიცრას, რადგან ნებისმიერი დაავადების მწვავე პროცესი, იქნება ეს ქრონიკული თუ ანთებითი ინფექციური დაავადების გამწვავება, ისინი დროებით უკუჩვენებას აჩვენებენ და აცრაზე მოსული პირი არ იცრება. არსებობს ვაქცინაციის წინა შეფასების კითხვარი, დაახლოებით, 27 კითხვაა ცალკეული ვაქცინების მიხედით და ექიმი აფასებს პაციენტის ჯანმრთელობის მდგომარეობას, მხოლოდ ამის შემდეგ აძლევს ის აცრაზე ნებართვას. კითხვარი დაყოფილია ვაქცინებად, არის ყველასთვის ზოგადი და დიფერენცირებული“, - განაცხადა ჯაბიძემ.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
გოგა მელიქიძე - საპენსიო ფონდი მნიშვნელოვან ზრდას განაგრძობს
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია