კახა კუჭავა - პრეზიდენტი სამართლებრივ საფუძველს ვერ ხედავდა, რომ ვეტო დაედო და ამით ალბათ, ყველაფერი ითქვა

პრეზიდენტი სამართლებრივ საფუძველს ვერ ხედავდა, რომ ვეტო დაედო, ამით ყველაფერი ითქვა , - ამის შესახებ საქართველოს პარლამენტის თავმჯდომარემ კახა კუჭავამ ჟურნალისტებთან განაცხადა.

მისივე თქმით, პრეზიდენტი ამავდროულად ფიქრობდა, რომ კანონპროექტი დაჩქარებული წესით არ უნდა წარმართულიყო.

„პრეზიდენტმა ძალიან კარგად განმარტა, რომ მიუხედავად იმისა, რომ თვლიდა მსგავსი კანონპროექტი დაჩქარებული წესით არ უნდა წარმართულიყო, ის სამართლებრივ საფუძველს ვერ ხედავდა, რომ ვეტო დაედო და ამით ალბათ, ყველაფერი ითქვა“, - განაცხადა კუჭავამ.

ცნობისთვის, საქართველოს პრეზიდენტმა სალომე ზურაბიშვილმა „ადმინისტრაციულ სამართალდარღვევათა კოდექსში“ შეტანილ ცვლილებებსთან დაკავშირებით ვეტოს უფლება არ გამოიყენა.