9 მაისს, საქართველოს შინაგან საქმეთა მინისტრმა ვახტანგ გომელაურმა პრემიერ-მინისტრ ირაკლი ღარიბაშვილთან და თავდაცვის მინისტრ ჯუანშერ ბურჭულაძესთან ერთად, "ვეტერანთა კულტურისა და დასვენების პარკში", მეორე მსოფლიო ომში დაღუპულთა ხსოვნას პატივი მიაგო. ამის შესახებ ინფორმაციას საქართველოს შინაგან საქმეთა სამინისტრო ავრცელებს.
ცნობისთვის, 9 მაისს, საქართველოში ფაშიზმე გამარჯვების დღე აღინიშნება. წლების განმავლობაში ტრადიციულად ფაშიზმზე გამარჯვების დღეს ვეტერანები, პოლიტიკოსები და საზოგადოების წარმომადგენლები ვაკის პარკში იკრიბებოდნენ, თუმცა წელს სარეაბილიტაციო სამუშაოების გამო ფაშიზმზე გამარჯვების დღის აღსანიშნავი ღონისძიებები ვაკის პარკის ნაცვლად „ვეტერანთა კულტურისა და დასვენების (კიკვიძის) პარკში" იმართება.