არჩილ თალაკვაძე დმანისში დაპირისპირებაზე - ნებისმიერი ძალადობა დასაგმობია - ამ ყველაფრის ეთნიკურ კონფლიქტში გადატანა, ცალსახად ჩვენი საზოგადოების წინააღმდეგაა მიმართული
დასაგმობია ნებისმიერი ძალადობა. მიგვაჩნია, რომ ნებისმიერ ორ მოქალაქეს შორის ძალადობა და ძალადობის ენაზე საუბარი, მიუღებელია, მიუხედავად იმისა, თუ რომელი ეთნიკური წარმოშობისაა ესა თუ ის ადამიანი , - ამის შესახებ ვიცე-სპიკერმა არჩილ თალაკვაძემ ჟურნალისტებს განუცხადა.
მისივე თქმით, დმანისში მომხდარი ინციდენტის შეფუთვა, როგორც ეთნიკურ ნიადაგზე მომხდარი დაპირისპირება, არის მიუღებელი.
" ეს არის დამაზიანებელი ჩვენი საზოგადოებისთვის. ეს არის ჩვენი საზოგადოების შეცდომაში შეყვანის მცდელობა ჩვენი ოპონენტების მიერ. სამწუხაროა, რომ ჩვენი ოპონენტები ყველაფერს აკეთებენ იმისთვის, რომ შეცდომაში შეიყვანონ საზოგადოება და როგორმე საკუთარი სახელმწიფო და ინსტიტუტები დააზიანონ. რეალურად საზოგადოებამ დაინახა რომ ეს იყო ყოფით ნიადაგზე მომხდარი კონფლიქტი. პოლიციას და სამართალდამცავებს აქვს საკანონდებლო ორგანოს სრული მხარდაჭერა, რათა აღსრულდეს კანონი და ის, ვინც დაარღვია და იძალადა, კანონის შესაბამისად უნდა იყოს პასუხისგებაში მიცემული.
რაც შეეხება პოლიციის რეაგირებას, მაღალი პასუხისმგებლობის დემონსტრირება გახლავთ ის, რომ შს მინისტრი პირადად ჩავიდა ადგილზე და დამატებითი დანაყოფის მობილიზაციაც ,როცა ეს აუცილებელია, რასაკვირველია, შს-მ ამ შემთხვევაშიც, ეს გააკეთა.
ის რომ ადამიანებმა არ აგეს პასუხი, ეს არ იქნება ობიექტური შეფასება. დარწმუნებული ვარ, რომ პასუხისგებაში მიეცემა ის, ვინც დაარღვია კანონი. ჩვენ ვნახეთ საჯაროდ ის ჩანაწერები, სადაც ცალსახაა, რომ ადგილი ჰქონდა ძალადობას და არაერთი ადამიანი მონაწილეობდა ინციდენტში, ამას სჭირდება გამოძიება, პოლიციამ და სამართალდამცავმა სტრუქტურებს ჰქონდათ მყისიერი რეაგირება. გამოძიება დაიწყო. მთელი ღამის განმავლობაში გამოკითხვები მიმდინარეობდა. ამ ყველაფრის გადატანა ეთნიკურ კონფლიქტში, ვფიქრობ, ცასახად ჩვენი საზოაგდოების წინააღმდეგაა მიმართული.
ეთნიკური აზერბაიჯანელები საუკუნეების განმავლობაში ჩვენს საზოგადოებაში ცხოვრობენ, ისინი არიან ჩვენი მოქალაქეები და მიუხედავად ეთნიკური წარმოშობისა, ნებისმიერ ორ მოქალაქეს შორის ძალადობა მიუღებელია", - განაცხადა თალაკვაძემ.
v-if="article.gallery" v-html="article.gallery"
