კახა კალაძეზე მხოლოდ დადებითი შემიძლია ვთქვა, რაც შეეხება უალტერნატივობას, ასეთი ბუნებაში არ არსებობს, - ამის შესახებ ჟურნალისტებთან პარლამენტის ვიცე- სპიკერმა დავით სერგეენკომ განაცხადა, რითაც უპასუხა ჟურნალისტების კითხვას, რამდენად არის უალტერნატივო კანდიდატი კახა კალაძე თბილისის მერობის პოსტზე თვითმმართველობის არჩევნებისთვის.

სერგეენკოს თქმით, საკითხთან დაკავშირებით, თუ ვინ იქნება დედაქალაქის მერობის კანდიდატი, კონსულტაციები მიმდინარეობს.

"ამ საკითხზე კონსულტაციები ჯერ გრძელდება და საბოლოო გადაწყვეტილება მიღებული არ არის. ასეთი გადაწყვეტილებები პოლიტსაბჭოს სხდომაზე მიიღება და ალბათ, ცოტა ხანში ცნობილი იქნება. კახა კალაძეზე მხოლოდ დადებითი შემიძლია ვთქვა, რაც შეეხება უალტერნატივობას, ასეთი ბუნებაში არ არსებობს. ყველამ უნდა დაამტკიცოს მისი ძლიერი მხარეები და მიიღოს ამომრჩევლის უმრავლესობის მხარდაჭერა,"- განაცხადა სერგეენკომ.