მიხეილ ჩხენკელმა თბილისის 21-ე საჯარო სკოლის მოსწავლეებს გერმანული ენის დიპლომების მიღება მიულოცა

თბილისის 21-ე საჯარო სკოლაში გერმანული ენის დიპლომების – DSD-ს გადაცემის საზეიმო ცერემონია გაიმართა, რომელსაც განათლებისა და მეცნიერების მინისტრი მიხეილ ჩხენკელი და გერმანიის ელჩი საქართველოში ჰუბერტ ქნირში დაესწრნენ.

უწყების პრესსამსახურის ცნობით, წელს 21-ე სკოლაში 39 DSD-დიპლომი გაიცა, რაც იმას ნიშნავს, რომ მოსწავლეების 90%-მა გამოცდა წარმატებით ჩააბარა.

განათლების სამინისტროს ინფორმაციით, მიხეილ ჩხენკელმა მოსწავლეებს სიტყვით მიმართა, წარმატება მიულოცა და სამინისტროს სამახსოვრო საჩუქრები გადასცა.

„მსურს, მთელი გულით მოგილოცოთ წარმატება. მიხარია, რომ გერმანული ენის შესწავლის ძლიერი ტრადიცია, რომლითაც ეს სკოლა ყოველთვის გამორჩეული იყო, დღესაც ასე აქტიურად გრძელდება. გერმანულის ენის მაღალ დონეზე ცოდნა თქვენ დიდ შესაძლებლობებს გაძლევთ. იმედი მაქვს, ამ შესაძლებლობებს ჩვენი ქვეყნის სასიკეთოდ გამოიყენებთ. მიხარია, რომ ასეთი კარგები, ნიჭიერები და წარმატებულები ხართ!

მადლობას ვუხდი ბატონ ელჩს და გერმანიის საელჩოს ძალისხმევისათვის. პანდემიის მიუხედავად, ერთობლივად შევძელით საგამოცდო პროცესის ორგანიზება და დღევანდელი დღე შედგა!“,-განაცხადა მიხეილ ჩხენკელმა.

განათლებისა და მეცნიერების სამინისტროს ცნობით, გერმანიის ელჩმა ჰუბერტ ქნირშმა მოსწავლეებს გერმანული ენის დიპლომების მიღება მიულოცა და მომავალი წარმატებები უსურვა.

„მან მადლობა გადაუხადა მიხეილ ჩხენკელს ნაყოფიერი თანამშრომლობისთვის. ელჩის თქმით, რომ არა სამინისტროს მხარდაჭერა, პანდემიის პირობებში გამოცდების ჩატარება შეუძლებელი იქნებოდა.

აღსანიშნავია, რომ 21-ე საჯარო სკოლა საქართველოში პირველია, რომელიც გერმანული ენის დიპლომს გასცემს და მას ყველაზე მეტი მოსწავლე ჰყავს, რომლებმაც წარმატებით გაიარეს DSD-ს პროგრამა. სკოლის კურსდამთავრებულები სწავლას გერმანიის უმაღლეს სასწავლებლებში აგრძელებენ, მათ შორის, გერმანიის აკადემიური გაცვლის სამსახურის (DAAD) სტიპენდიით. 1999 წლიდან 740-მა მოსწავლემ მიიღო მეორე საფეხურის DSD-დიპლომი. ცნობილმა მწერალმა ნინო ხარატიშვილმა 2001 წელს ჩააბარა 21-ე სკოლაში მეორე საფეხურის DSD-ს გამოცდა.

ინიციატივა „სკოლები მომავლის პარტნიორები“ (PASCH) 2008 წელს გერმანიის პრეზიდენტის ფრანკ ვალტერ შტაინმაიერის ინიციატივით შეიქმნა და მსოფლიოს მასშტაბით გერმანიასთან განსაკუთრებული კავშირების მქონე 1800 სკოლას აერთიანებს. ინიციატივის მიზანია გერმანული ენის გავრცელება და ახალგაზრდების ერთმანეთთან დაკავშირება. საქართველოში 15 PASCH-სკოლაა, სადაც გერმანული ენა გაძლიერებულად ისწავლება. თორმეტ მათგანში ათი სასწავლო წლის შემდეგ შესაძლებელია გერმანული ენის ცოდნის დამადასტურებელი მეორე საფეხურის დიპლომის (DSD II) მიღება, რაც გერმანიის უმაღლეს სასწავლებლებში სწავლის წინაპირობას წარმოადგენს“,-აღნიშნულია ინფორმაციაში.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!