პარლამენტის იურიდიულ საკითხთა კომიტეტზე 20 ივნისის მოვლენებთან დაკავშირებით მომზადებული "ამნისტიის შესახებ" პროექტის განხილვა კამათის ფონზე მიმდინარეობს

პარლამენტის იურიდიულ საკითხთა კომიტეტის სხდომაზე 20 ივნისის მოვლენებთან დაკავშირებით მომზადებული "ამნისტიის შესახებ" პროექტის განხილვა კამათის ფონზე მიმდინარეობს.

ფრაქცია "ქართული ოცნების" ავტორობით წარდგენილ პროექტს კომიტეტი მეორე მოსმენით, მუხლობრივად იხილავს. განხილვას ესწრებიან 20 ივნისის აქციის დაშლისას დაშავებული დემეტრე ნაყოფია და დაზარალებულთა ოჯახის წევრები.

ფრაქცია "ლელო-პარტნიორობა საქართველოსთვის" წევრმა შალვა შავგულიძემ პროექტის ერთ-ერთ ავტორსა და ინიციატორს, იურიდიულ საკითხთა კომიტეტის თავმჯდომარეს ანრი ოხანაშვილს 20 ივნისის ამნისტიის სისხლის სამართლის კონკრეტული მუხლებით შემოფარგვლა და პროექტში შესაბამისი ცვლილებების შეტანა შესთავაზა. ფრაქციის კიდევ ერთმა წარმომადგენელმა ანა ნაცვლიშვილმა კი ხაზგასმით განაცხადა, რომ მმართველი გუნდი აღნიშნული პროექტით დაუსჯელობას მწვანე შუქს უნთებს.

"20 ივნისი ისედაც ამნისტირებულია თქვენს მიერ", - მიმართა ნაცვლიშვილმა უმრავლესობის წევრებს.

თავის მხრივ, ოხანაშვილმა ოპოზიციონერი კოლეგები პოლიტიკურ კეკლუცობაში დაადანაშაულა და როგორც განაცხადა, შარლს მიშელის დოკუმენტზე მოლაპარაკებებისას ოპოზიციას 20 ივნისს დაზარალებულები არ გახსენებია.

"ჩვენ ამნისტიის მომხრე არ ვართ და ეს ამნისტია არ გვჭირდება, მაგრამ ხელმოწერილ შეთანხმებას ვასრულებთ. ახლა ცდილობთ დაგვაბრალოთ, თითქოს, 20 ივნისის ამნისტია ჩვენ გვინდა! გსურთ, შეთანხმებიდან გასვლა და პასუხისმგებლობის არაღება იმაზე, რასაც ხელი მოაწერეთ. გეყოთ გამბედაობა და თქვით, რაზე აიღეთ პასუხისმგებლობა", - განაცხადა ანრი ოხანაშვილმა ოპოზიციის მისამართით.

20 ივნისის მოვლენებზე ამნისტიის მიღებას აპროტესტებენ ამ დღის დაზარალებულები.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 17.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის