თამარ კინწურაშვილის განცხადებით, ფილიპ რიკერთან შეხვედრაზე საუბარი საქართველოში არსებულ მედიაგარემოს შეეხო

„მედიის განვითარების ფონდის“ აღმასრულებელი დირექტორის, თამარ კინწურაშვილის განცხადებით, აშშ-ს სახელმწიფო მდივნის მოადგილის მოვალეობის შემსრულებელ ფილიპ რიკერთან შეხვედრისას საუბარი შეეხო საქართველოში არსებულ მედიაგარემოს.

როგორც შეხვედრის დასრულების შემდეგ თამარ კინწურაშვილმა განაცხადა, ფილიპ რიკერთან ისაუბრეს ჟურნალისტთა მიმართ განხორციელებულ ძალადობის ფაქტებზე და რუსეთის დეზინფორმაციულ კამპანიებზე.

“მედიას ძალიან დიდი მნიშვნელობა აქვს პოლიტიკურ პროცესში, მითუმეტეს არჩევნების წინ და ჩვენ მივაწოდეთ ინფორმაცია ამ თვალსაზრისით არსებულ მდგომარეობაზე. საუბარი შეეხო ჟურნალისტთა მიმართ ძალადობის ფაქტებს, ზოგადად, პოლარიზებულ გარემოს, რომელსაც ხშირად რიტორიკაც ასაზრდოებს. ჩვენ მივაწოდეთ ინფორმაცია ასევე, რუსეთის დეზინფორმაციულ კამპანიაზე და დისკრედიტაციის კამპანიაზე მმართველი პარტიის მხრიდან ჟურნალისტების წინააღმდეგ.

თუ არსებობს პრობლემები, არსებობს ინსტიტუციონალური გადაწყვეტის გზები - “ჟურნალისტური ეთიკის ქარტია”, “მაუწყებელთა ქცევის კოდექსი”. მთლიანად ინსტიტუტის დისკრედიტაციის ნაცვლად უმჯობესია პრობლემური საკითხები გადაწყდეს ამ მიმართულებით.

ასევე, საუბარი შეეხო მარეგულირებელსაც, რომელსაც ხელისუფლება ინსტრუმენტად იყენებს იმისათვის, რომ გააკონტროლოს მის მიერ არაკონტროლირებადი ტელევიზიები, მათ შორის უხამსობის ნორმის არასწორ ინტერპრეტაციას, რომლის გამოც შერჩევითად დაასანქცირეს რამდენიმე არხი.

საქართველოში კანონმდებლობა იცავს ჟურნალისტთა უფლებებს და არ შეიძლება გამოყენებული იყოს ან ინტერპრეტირებული იყოს ისე, რომ ჟურნალისტებს არ ჰქონდეთ საკუთარი პროფესიული საქმიანობის განხორციელების შესაძლებლობა”, - განაცხადა კინწურაშვილმა.

მისივე განმარტებით, ასევე შეხვედრაზე საუბარი შეეხო გამოძიებებს, რომელიც მიმდინარეობს იმ მედიასაშუალებების მფლობელების მიმართ, რომლებსაც ხელისუფლება ვერ აკონტროლებს.

"ის მედიები, ვინც უზრუნველყოფენ პლურალიზმს და მოსაზრების მრავალფეროვნებას, ხელისუფლების სამიზნეა და სწორედ ეს არის პრობლემა”, - განაცხადა კინწურაშვილმა.

რაც შეეხება შეხვედრის მონაწილე პარტნიორი ქვეყნის უმაღლესი რანგის თანამდებობის პირების პოზიციას ამ საკითხებთან მიმართებით, როგორც თამარ კინწურაშვილმა განმარტა, თავიანთ პოზიციას თავად დააფიქსირებენ, მაგრამ მათი პოზიციაა ის, რომ ზოგადად მხარი დაუჭირონ დემოკრატიულ პროცესებს.

ცნობისთვის, საქართველოში ვიზიტად მყოფი ამერიკის შეერთებული შტატების სახელმწიფო მდივნის მოადგილის მოვალეობის შემსრულებელი, ფილიპ რიკერი მრგვალი მაგიდა მედიის თავისუფლებასთან დაკავშირებით ადვოკატირების ჯგუფების წარმომადგენლებს შეხვდა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა