სალომე სამადაშვილი - თუ ამნისტიის კანონპროექტი მიღებული იქნება იმგვარად, რომ ეს მელიას არ შეეხოს, ეს ეწინააღმდეგება შეთანხმების სულისკვეთებას, რაზეც “ოცნება” სტარტეგიულმა  მოკავშირეებმა გააფრთხილეს

პარლამენტის ოპოზიციონერი დეპუტატის სალომე სამადაშვილის განცხადებით, თუ ამნისტიის კანონპროექტს ისე მიიღებენ, რომ ნიკა მელიას არ შეეხოს, ეს შარლ მიშელის შეთანხმების სულისკვეთებას შეეწინააღმდეგება. როგორც სამადაშვილმა აღნიშნა, ამის შესახებ “ქართული ოცნების” წარმომადგენლები სტარტეგიულმა მოკავშირეებმაც გააფრთხილეს.

“ჩვენთვის ორი საკითხია პრინციპულად მნიშვნელოვანი ამნისტიის კანონპროექტთან მიმართებით. ერთი შეეხება იმას, როგორ იქნება კანონპროექტში ასახული ნიკა მელიას საქმესთან მიმართებით. ამნისტიის იდეა მედიატორების მიერ იმისთვის იყო შემოთავაზებული, რომ დაიხუროს ნიკა მელიას წინააღმდეგ მიმდინარე სისხლის სამართლის საქმე. ამიტომ, თუ ამნისტიის კანონპროექტი მიღებული იქნება იმგვარად, რომ ეს კანონპროექტი ნიკა მელიას არ შეეხოს, ეს ეწინააღმდეგება მიშელის შეთანხმების სულისკვეთებას. ამის შესახებ “ქართული ოცნების” წარმომადგენლები გააფრთხილეს, მათ შორის სტარტეგიულმა მოკავშირეებმა, სახელმწიფო დეპარტამენტის დელეგაციამ, რომელიც საქართველოში გუშინ იმყოფებოდა და ვნახოთ, საბოლოოდ როგორ ჩამოყალიბდება მათი პოზიცია.

რაც შეეხება სხვა საკითხებს, ჩვენი პოზიციაა, რომ ამნისტია უნდა შეეხოს არა ფაქტს, არამედ კონკრეტულ დანაშაულებს და მუხლებს. ამასთან მიმართებით ჩვენ გვაქვს აზრთა სხვადასხვაობა და ჩვენი პოზიცია ასახულია იმ კანონპროექტში, რომელიც პარლმენტში წარვადგინეთ”, - განაცხადა სამადაშვილმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს