ამირან გამყრელიძის ინფორმაციით, კორონავირუსის საწინააღმდეგო ვაქცინით ორჯერ აცრილი მოქალაქეებისთვის გარკვეულ შეღავათებზე მსჯელობა მიმდინარეობს

დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, კორონავირუსის საწინააღმდეგო ვაქცინით ორჯერ აცრილი მოქალაქეებისთვის გარკვეულ შეღავათებზე მსჯელობა მიმდინარეობს.

როგორც მან უწყებათაშორისი საბჭოს დასრულების შემდეგ გამართულ ბრიფინგზე განმარტა, საუბარია გარკვეულ შეღავათებზე „კომენდანტის საათთან“, სამასპინძლო დაწესებულებებთან, ან პირბადის ტარებასთან მიმართებაში.

„ამაზე ვმსჯელობთ და დღესაც იყო საკოორდინაციო საბჭოზე წინადადებები, ალბათ პრემიერთანაც იქნება შეხვედრა მომავალ საკოორდინაციო საბჭოზე ამ და სხვა საკითხებთან მიმართებაში. საუბარია გარკვეულ შეღავათებზე კომენდანტის საათთან, სამასპინძლო დაწესებულებებთან, ან პირბადესთან მიმართებაში. სიმართლე გითხრათ, პირბადის გამოყენება სანამ კუმულაციური, კრიტიკული მასა ქვეყანაში არ აიცრება პირბადის ტარებაზე უარს ვერ ვიტყვით“, - აღნიშნა ამირან გამყრელიძემ.

ამასთან, მისივე განცხადებით, კლინიკების ანაზღაურება ორჯერადი აცრის შემთხვევაში 10 ლარამდე გაიზრდება, რაც სახელმწიფოს ჯამში 34 მილიონი ლარი დაუჯდება.

„კლინიკების ანაზღაურებასთან დაკავშირებით ფინანსთა სამინისტროსთან მიღწეულია შეთანხმება, დღევანდელი ორჯერადი აცრის ღირებულება თუ არის 5 ლარი ის გაიზრდება ორჯერ და გახდება 10 ლარი. ქვეყანაში უნდა ჩატარდეს 3.4 მილიონი აცრა, რაც სრულად 34 მილიონი ლარი ეღირება და ჩვენ იმუნიზაციის ბიუჯეტში გარკვეული თანხები გვაქვს“, - განაცხადა ამირან გამყრელიძემ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!