“ალდაგმა” ციფრული დაზღვევის აპლიკაცია - backapp შექმნა

პირველად საქართველოში, სადაზღვევო კომპანია “ალდაგმა” ციფრული დაზღვევის აპლიკაცია - backapp შექმნა.

აპლიკაცია მუშაობს ჭკვიანი მოწყობილობის გამოყენებით და იძლევა ისეთ უნიკალურ შესაძლებლობას, როგორიცაა - დაზღვევის ფასის მორგება მძღოლის ინდივიდუალურ მონაცემებზე. ეს ნიშნავს, რომ დღეიდან მომხმარებელს შეუძლია დაზღვევაზე ის ფასი მიიღოს, რომელიც მანქანის ტარების ხარისხის პროპორციულად დაანგარიშდება.

backapp-ის აპლიკაცია უკავშირდება მოწყობილობას, რომელიც უბრალოდ თავსდება ავტომობილში და რომელიც, რამდენიმე პარამეტრის მიხედვით (აჩქარება, მოხვევა, სიჩქარე, დამუხრუჭება) აგენერირებს ინფორმაციას ავტომობილის ტარების ხარისხზე. ეს მონაცემები აისახება აპლიკაციაში, რომელიც თავის მხრივ, განსაზღვრავს სადაზღვევო ფასს.

საშუალოდ backapp-ით დაზღვევა სტანდარტულ დაზღვევასთან შედარებით ორჯერ უფრო იაფია. backapp-ის დახმარებით, მძღოლებს შეუძლიათ:

  • შეაფასონ საკუთარი პროფესიონალიზმი და მიიღონ ინფორმაცია იმის თაობაზე, რამდენად სწორად და კარგად მართავენ ისინი საკუთარ ავტომობილებს;
  • მიიღონ ტარების ხარისხის შესაბამისი ფასი. ამასთან, სრულიად გამჭვირვალედ ადევნონ თვალი ფასის გენერირების პროცესს და გააუმჯობესონ მართვის ხარისხი, თუ სურთ უკეთესი ტარიფის მიღება;
  • მიიღონ გაუმჯობესებული ფასი რამდენიმე გარემოების გათვალისწინებით:
  • (1) გაჩერებულ მანქანაზე თანხა არ იწერება, მიუხედავად იმისა, რომ ამ დროს ავტომობილი დაზღვეულია
  • (2) რაც უფრო ცოტას დადის ავტომობილი, მით ნაკლებია სადაზღვევო პრემია
  • (3) რაც უფრო კარგად დადის მძღოლი, მით ნაკლებია სადაზღვევო პრემია

backapp-ით ავტომობილის დაზღვევა სრულიად განსხვავებული გამოცდილებაა. დაზღვევის პროცესი არის სრულად ციფრული. საკმარისია მხოლოდ აპლიკაციის გადმოწერა, რის შემდეგაც მომხმარებელს შეუძლია გაიაროს ტესტდრაივი და ნახოს, როგორ მართავს ის საკუთარ ავტომობილს და დაახლოებით რა თანხას აგენერირებს მისი ერთი მარშრუტი. ტესტდრაივი მძღოლებს წარმოდგენას შეუქმნის, რამდენად პროფესიონალურად ფლობენ ავტომობილს და რა თანხასთან იქნება დაკავშირებული ავტომობილის დაზღვევა.

backapp-ი, გარდა მთელი რიგი ტექნოლოგიური უპირატესობებისა, მომხმარებელს სხვადასხვა სარგებელს სთავაზობს, ესაა ფასდაკლებები ავტონაწილებსა და საწვავზე; უფასო რეცხვის ვაუჩერები, 24 საათიანი ავტოასისტანსი და ა.შ.

backapp დაზღვევით იფარება ისეთი გავრცელებული რისკები, როგორიცაა ავტოსაგზაო შემთხვევა, გარეგანი დაზიანება, ე.წ. დამხვდა დაზიანებული შემთხვევები, ხანძარი, ქურდობა, აფეთქება, სტიქია და ა.შ.

„ვამაყობთ, რომ ჩვენ ვართ პირველი გუნდი საქართველოში, ვინც, მიუხედავად რთული ტექნოლოგიური გამოწვევებისა, შეძლო, ადგილობრივ ბაზარზე დაენერგა მსოფლიოს სულ რამდენიმე განვითარებულ ქვეყანაში დანერგილი პრაქტიკა, რომელთა შორისაც backapp უნიკალურია. ვთვლით, რომ ამ პროდუქტით საქართველოში ვიწყებთ დაზღვევის ახალ ეპოქას და გვჯერა, რომ ხელს შევუწყობთ დაზღვევის კულტურის განვითარებას ქვეყანაში. ეს არის კლასიკური მაგალითი იმისა, თუ როგორ შეიძლება შეიქმნას საზოგადოებრივი სიკეთე ტექნოლოგიების დახმარებით და როგორ შეიძლება დავეხმაროთ თანამედროვე და წინდახედულ ადამიანებს, მიიღონ ბიზნესისგან ზუსტად ის, რაც მათ დღეს ყველაზე მეტად სჭირდებათ,“- განაცხადა “ალდაგის” გენერალურმა დირექტორმა, გიორგი ბარათაშვილმა.

აპლიკაციის გადმოწერა შესაძლებელია Google Play და App Store-დან.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე