დავით ზალკალიანი - ეს არ არის პირველი შემთხვევა, როდესაც საქართველო ნატო-ს სამიტზე არ ყოფილა, ეს ძალიან კარგად უნდა ახსოვდეთ ადამიანებს, ვინც ასეთ სიცრუეს ავრცელებს, რადგან სწორედ ისინი იყვნენ მაშინ ხელისუფლებაში

ეს არ არის პირველი შემთხვევა, როდესაც საქართველო არ ყოფილა ნატო-ს სამიტზე, ძალიან კარგად უნდა ახსოვდეთ იმ ადამიანებს, ვინც ასეთ სიცრუეს ავრცელებს, რადგან სწორედ ისინი იყვნენ მაშინ ხელისუფლებაში , - ამის შესახებ საგარეო საქმეთა მინისტრმა, დავით ზალკალიანმა განაცხადა.

მინისტრი ოპოზიციის წარმომადგენლების განცხადებებს გამოეხმაურა და აღნიშნა, რომ ოპოზიციის წარმომადგენლების განცხადებები, რომ ეს არის პირველი შემთხვევა, როცა საქართველო არ ყოფილა ნატო-ს სამიტზე მიწვეული საზოგადოების შეცდომაში შეყვანაა.

"კონკრეტული ფაქტებით შემიძლია ვესაუბრო ოპონენტებს მაშინ, როდესაც საქმე ეხება ჩვენ ქვეყანას, ჩვენი მთავარი საგარეო პოლიტიკური პრიორიტეტის ნატო-ში ინტეგრაციის საკითხს. ვფიქრობ, მიუღებელია ოპონენტების მხრიდან აბსოლუტურად გაუმართლებელი პოლიტიკური მიზნებისთვის თუ ქულებისთვის და არ მგონია, რომ ეს ტყუილები და სიცრუე მათ რაღაცა პოლიტიკურ ქულებს და ღირსებას შემატებს. ეს არ არის პირველი შემთხვევა, როდესაც საქართველო არ ყოფილა ნატო-ს სამიტზე. ძალიან კარგად უნდა ახსოვდეთ იმ ადამიანებს, ვინც ასეთ სიცრუეს ავრცელებს, რადგან სწორედ ისინი იყვნენ მაშინ ხელისუფლებაში და არ მინდოდა ამის თქმა, რომ ჩასაფრებულის პოზიციიდან მესაუბრა ოპონენტებთან საქართველოსთვის ასეთ მნიშვნელოვან საკითხზე, მაგრამ ფაქტია, რომ არც 2009 წელს მაშინ, როდესაც ზუსტად ანალოგიური სიტუაცია იყო და აშშ-ის ახალი ადმინისტრაცია და ახალი პრეზიდენტი იყო ჩასული სამიტზე და მხოლოდ ვიწრო შემადგენლობით შეიკრიბა სამიტი არ იყო მიწვეული საქართველო. ისევე როგორც 2005 წელს, როდესაც საქართველო არ ესწრებოდა სამიტს. ეს არის ფაქტები. აბსოლუტურად მიუღებელია ასეთი სიცრუე და საზოგადოების შეცდომაში შეყვანა. აქ უნდა იყოს სრული კონსოლიდაცია ყველა ოპონენტის თუ პოლიტიკური პარტიის, რადგან საქმე ეხება მთავარს - ჩვენს საგარეო პოლიტიკურ პრიორიტეტს ნატო-ში ინტეგრაციას" , - განაცხადა ზალკალიანმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!