ეროვნული უსაფრთხოების კონცეფცია შესაძლოა, ყოველ 5 წელიწადში ერთხელ გადაიხედოს

ეროვნული უსაფრთხოების კონცეფცია შესაძლოა, ყოველ 5 წელიწადში ერთხელ გადაიხედოს.აღნიშნული დოკუმენტის ყოველ 5 წელიწადში გადახედვის ვალდებულება „ეროვნული უსაფრთხოების პოლიტიკის დაგეგმვისა და კოორდინაციის წესის შესახებ“ კანონში დაგეგმილი ცვლილებების პროექტით შემოდის, რომელიც განსახილველად პარლამენტს უკვე წარედგინა. ამასთან, გარდა 5-წლიანი პერიოდისა, ეროვნული უსაფრთხოების კონცეფციის გადახედვა და განახლება, შესაძლებელი იქნება ნებისმიერ დროს, ქვეყნის უსაფრთხოების გარემოს არსებითი ცვლილებისას.

ეროვნული უსაფრთხოების კონცეფცია ეროვნული დონის კონცეპტუალური დოკუმენტია, რომელიც განმარტავს ეროვნულ ღირებულებებსა და ინტერესებს, აყალიბებს ქვეყნის უსაფრთხო განვითარების ხედვას, განსაზღვრავს სახელმწიფოს წინაშე არსებულ საფრთხეებს, რისკებსა და გამოწვევებს და ადგენს ეროვნული უსაფრთხოების პოლიტიკის ძირითად მიმართულებებს. ეროვნული უსაფრთხოების კონცეფციას უნდა შეესაბამებოდეს ეროვნული უსაფრთხოების პოლიტიკის დაგეგმვის ყველა ეროვნული და უწყებრივი დონის დოკუმენტი. ეროვნული უსაფრთხოების კონცეფციას შეიმუშავებს და პარლამენტს წარუდგენს საქართველოს მთავრობა. მას დადგენილებით პარლამენტი ამტკიცებს.

მოქმედი კანონმდებლობით, ეროვნული უსაფრთხოების კონცეფციის გადახედვის ვადა განსაზღვრული არ არის.

„ქვეყნის უსაფრთხოების ცვალებადი გარემოს გათვალისწინებით, აუცილებელია გარკვეული პერიოდულობით ან ნებისმიერ დროს, საჭიროებისამებრ, ქვეყნის წინაშე არსებული საფრთხეების, რისკებისა და გამოწვევების გათვალისწინებით ხორციელდებოდეს ეროვნული უსაფრთხოების კონცეფციის გადახედვა და განახლება“, - ვკითხულობთ კანონპროექტის განმარტებით ბარათში.

პროექტის ავტორი და ინიციატორები არიან პარლამენტის წევრები: ირაკლი ბერაია, ალექსანდრე ტაბატაძე, ვლადიმერ ჩაჩიბაია, გია ბენაშვილი, რესან კონცელიძე, რატი იონათამიშვილი, გიორგი ხელაშვილი, ეკა სეფაშვილი და ნინო იობაშვილი.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში