სერგო ჩიხლაძე - მიმზიდველი იქნება ტურისტისთვის, რომ ჩამოვიდეს და 10 საათზე სახლში გაიქცეს?

მიმზიდველი იქნება ტურისტისთვის, რომ ჩამოვიდეს და 10 საათზე სახლში გაიქცეს? ერთი მხრივ, ვამბობთ, რომ ეკონომიკა უნდა ავამოქმედოთ და მეორე მხრივ, ისეთ რეგულაციებს ვტოვებთ, რაც ამას ხელს უშლის,- ამის შესახებ "სტრატეგია აღმაშენებლის" წევრმა სერგო ჩიხლაძემ ჟურნალისტებთან განაცხადა, რითაც ტურისტული სეზონის გახსნას გამოეხმაურა.

ჩიხლაძე აცხადებს, რომ „კომენდანტის საათის“ მოქმედების პირობებში საქართველო ტურისტებისთვის მიმზიდველი ვერ იქნება. მისი თქმით, ხელისუფლებას სექტორში დასაქმებული ადამიანების ვაქცინირებაზე და ტესტირებაზე უნდა ეზრუნა.

"ტურისტული სეზონი გავხსენით, მაგრამ „კომენდანტის საათი“ დავტოვეთ, როგორ წარმოგვიდგენია ტურისტული სეზონი „კომენდანტის საათის“ პირობებში, ეს სერიოზული დამაბრკოლებელი ფაქტორი იქნება როგორც გარე ისე შიდა ტურიზმისთვის. სახელმწიფომ არ იზრუნა ტურისტულ სექტორში და მასთან ახლო მყოფ სექტორებში დასაქმებულ ხალხზე, რომელზეც თავიდანვე იყო მოწოდება ჩვენგან, რომ ჩატარებულიყო მათი ტესტირება, რომ რისკები არ ჰქონოდათ ტურისტული სეზონის პერიოდში, ტურისტიც თავს დაცულად იგრძნობდა.

მიზნობრივ ჯგუფებზე მუშაობა სამწუხაროდ, არ მიმდინარეობს და როგორ წარმოგვიდგენია ტურისტული სეზონის მიმზიდველობა „კომენდანტის საათის“ დაწყების პირობებში. ეს მიმზიდველი იქნება ტურისტისთვის, რომ ჩამოვიდეს და 10 საათზე სახლში გაიქცეს? ერთი მხრივ ვამბობთ, რომ ეკონომიკა უნდა ავამოქმედოთ და მეორე მხრივ, ისეთ რეგულაციებს ვტოვებთ, რაც ამას ხელს უშლის. რისკების მინიმიზება შეიძლება იმით, რომ ტურისტულ სექტორში დასაქმებული ხალხი თავის დროზე აგვეცრა და ახალი ტექნოლოგიები გამოგვეყენებინა უცხოელი ტურისტებისთვის, ვინც ვაქცინირებულნი შემოდიან, ამას უკვე იყენებენ ქვეყნები და ჩვენებმა ახლა დაანონსეს, რომ ამას გააკეთებენ, ეს უკვე გაკეთებული უნდა იყოს,"- განაცხადა ჩიხლაძემ.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში