ქუთაისსა და ზუგდიდში დევნილ ვეტერანებს ბინები გადაეცათ

ვეტერანების საქმეთა სახელმწიფო სამსახურის ცნობით, დევნილი ვეტერანების განსახლების სპეციალური პროექტის ფარგლებში, 41 დევნილ ვეტერან ოჯახს ქუთაისში, ხოლო 22-ს ზუგდიდში, ბინები გადაეცათ.

მათი ინფორმაციით, ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, ქუთაისში იმყოფებოდა, სადაც საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრთან, ეკატერინე ტიკარაძესთან, დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორთან, ბესარიონ სიმონიშვილთან ერთად, დევნილი ვეტერანებისათვის საცხოვრებელი ფართების გადაცემის ღონისძიებას დაესწრო.

„პირველ რიგში, მინდა მადლიერება გამოვხატო თითოეული ადამიანის მიმართ და იმ ოჯახის მიმართ, ვინც ყველაზე ძვირფასი გაიღო თავისი სამშობლოს დაცვისთვის. უმთავრესი ის არის, რომ სახელმწიფოს აქვს სტრატეგია იმის, რომ ის დროებითი საცხოვრებელი პირობები, სადაც არიან ჩვენი იძულებით გადაადგილებული პირები, იყოს ღირსეული. ეჭვი არ მეპარება იმაში, რომ ეს ქვეყანა გაერთიანდება, იქნება ერთიანი და ძლიერი. მინდა, მადლობა გამოვხატო ხელისუფლების, ჯანდაცვის და სოციალური უზრუნველყოფის სამინისტროს მიმართ იმისთვის, რომ დღეს უკვე არის საუბარი, კონკრეტული კვოტა გამოყოფილიყო საქართველოს ტერიტორიული მთლიანობისთვის მებრძოლი ადამიანებისათვის, მათი ოჯახის წევრებისათვის. ეს პროცესი, რა თქმა უნდა, წარმატებით გაგრძელდება ",- განაცხადა კობა კობალაძემ.

ვეტერანების საქმეთა სახელმწიფო სამსახურის ცნობით, ვეტერანი დევნილების განსახლების სპეციალური პროექტი წელს პირველად განხორციელდა.

„ვეტერან დევნილებს, აქამდეც ჰქონდათ შესაძლებლობა, მონაწილეობა მიეღოთ განსახლების ნებისმიერ პროგრამაში, თუმცა, ქვეყნის წინაშე მათი დამსახურების გათვალისწინებით, ახლა, მათთვის სპეციალური კვოტები გამოიყო, მათ შორის, 60 ბინა ქუთაისში და 60 ზუგდიდში. არსებული მოთხოვნის გათვალისწინებითა და ვეტერანი დევნილებისთვის სათანადო საცხოვრებელი პირობების შესაქმნელად, კომისიამ დადებითი გადაწყვეტილება 120-ის ნაცვლად, 160 ოჯახზე მიიღო, საიდანაც 60-ზე მეტ ოჯახს ქუთაისსა და ზუგდიდში ახალაშენებულ კორპუსებში ბინები დღეს გადაეცათ. ასევე, დევნილ ვეტერანთა 100-მდე ოჯახმა, მიიღო ადმინისტრაციულ დაპირება, რაც გულისხმობს იმას, რომ მათთვის ბინების მშენებლობა მიმდინარეობს და წლის ბოლომდე, ყოველგვარი დამატებითი მონიტორინგისა და განხილვის გარეშე საცხოვრებელი ფართები უპირობოდ გადაეცემათ.

ღონისძიებას ესწრებოდნენ სახელმწიფო რწმუნებული იმერეთში, ზვიად შალამბერიძე, ქუთაისის მაჟორიტარი დეპუტატი ზაზა ლომინაძე, ქუთაისის მუნიციპალიტეტის მერი, იოსებ ხახალეიშვილი“,-აღნიშნულია ინფორმაციაში.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის