იუსტიციის უმაღლესი საბჭოს მდივანი - დღეს ცხრავე კანდიდატმა მიიღო საბჭოს წევრების მხარდაჭერა და მათი კანდიდატურები წარედგინება პარლამენტს, რაც შეეხება პროცედურულ დარღვევებს, ვფიქრობ ასეთი არ ყოფილა

დღეს ცხრავე კანდიდატმა მიიღო საბჭოს წევრების მხარდაჭერა და რა თქმა უნდა, მათი კანდიდატურები წარედგინება პარლამენტს, რაც შეეხება პროცედურულ დარღვევებს ვფიქრობ ასეთი არ ყოფილა, - ამის შესახებ იუსტიციის უმაღლესი საბჭოს მდივანმა ნიკოლოზ მარსაგიშვილმა ჟურნალისტებთან საუბრისას განაცხადა.

მისი თქმით, ისეთი ფაქტი, რომ საბჭოს ყველა წევრს ყველა კანდიდატისთვის მხარი ერთხმად დაეჭირა, არ ყოფილა.

„ჩემი და საბჭოს ყველა წევრის დასაბუთება, თუ რა კრიტერიუმებით მოხდა მათთვის მხარის დაჭერა არის ღია და ატვირთულია იუსტიციის უმაღლესი საბჭოს ვებ-გვერდზე, ვერ ვიტყვით, რომ ყველამ ერთხმად დავუჭირეთ მხარი ყველა კანდიდატს, ასეთი რამ არ ყოფილა. მე მივეცი შეფასება, რომ ყველა მათგანი კეთილსინდისიერების კრიტერიუმებს აკმაყოფილებდა”, - განაცხადა ნიკოლოზ მარსაგიშვილმა.

მან ასევე ისაუბრა შარლ მიშელის დოკუმენტთან დაკავშირებით. მისი განმარტებით, აღნიშნული დოკუმენტი არის პოლიტიკური შეთანხმება და ნაკლებად ეხება სასამართლო ხელისუფლებას.

„შარლ მიშელის დოკუმენტი არის პოლიტიკური შეთანხმება, რომელიც ყველაზე ნაკლებად ეხება სასამართლო ხელისუფლებას თუ ის არ არის ასახული კანონში. ამასთან, უზენაესი სასამართლოს წევრების არჩევა მხოლოდ იუსტიციის უმაღლესი საბჭოს პრეროგატივა არ არის, ჩვენ წარვუდგენთ კანდიდატებს პარლამენტს და მათ შეუძლიათ ნებისმიერი გადაწყვეტილება მიიღონ, თუნდაც პოლიტიკური შეთანხმების გათვალისწინებით. ჩვენ კანონი გვავალდებულებს, რომ ეს პროცედურებები ჩავატაროთ”, - განაცხადა ნიკოლოზ მარსაგიშვილმა.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა