სახალხო დამცველი - ბოლო წლებია ლგბტ თემს და მის მხარდამჭერებს საკუთარი კონსტიტუციური უფლების რეალიზაციაში ხელი ეშლება

სახალხო დამცველის ნინო ლომჯარიას განცხადებით, ბოლო წლებში ლგბტ თემს და მის მხარდამჭერებს საკუთარი კონსტიტუციური უფლების რეალიზაციაში,ასევე შეკრებისა და მანისფესტაციის თავისუფლად განხორციელებაში ხელი ეშლებათ. როგორც მან პარლამენტში სიტყვით გამოსვლისას განაცხადა, შსს-მ უნდა წარმოადგინოს ინფორმაცია, რა გააკეთა საფრთხეების დაზღვევისთვის.

ნინო ლომჯარიამ იმედი გამოთქვა, რომ სამართალდამცავი ორგანოები პრევენციულად უზრუნველყოფენ მოქალაქეების გამოხატვის თავისუფლების დაცვას.

„შეკითხვა იყო, უნდა ჩატარდეს თუ არა „ღირსების მარში“-ამ საკითხთან დაკავშირებით სახალხო დამცველი პრაქტიკულად წლებია საუბრობს, 2012, 2013 წლებიდან, როდესაც უკვე ძალადობრივ ქმედებებს ჰქონდა ადგილი იმ პირების მიმართ, რომლებიც თანასწორობის საკითხებზე გამოვიდნენ ქუჩაში და საკუთარი აზრის გამოხატვა სურდათ. ბოლო წლებია ხელი ეშლება ლგბტ თემს და მის მხარდამჭერებს საკუთარი კონსტიტუციური უფლების რეალიზაციაში, შეკრებისა და მანისფესტაციის თავისუფლად განხორციელების რეალიზაციაში. ვფიქრობ, შსს-მ უნდა წარმოადგინოს ინფორმაცია, რა გააკეთა იმისთვის, რომ ამდენი წლის განმავლობაში, როდესაც ასეთი საფრთხე მუდმივად არსებობს, ეს საფრთხეები დაზღვეული იყოს. არ შეიძლება ყოველწლიურად გვესმოდეს იმის შესახებ, რომ არსებობს კონკრეტული საფრთხეები და თუ საფრთხეები არსებობს, მაშინ უნდა გვესმოდეს, რას აკეთებს პრევენცისითვის სამართალდამცავი ორგანოები, რომ მოქალაქეებს ჰქონდეთ შეკრებისა და გამოხატვის თავისუფლება, მითუმეტეს, რომ შეკრებების შესახებ წინასწარ არის გაცხადებული და ამ შემთხვევაში, პრევენციული ღონისძიებების გატარება უფრო მეტად რეალისტურია. ამიტომ, ველოდებით,რომ სამართალდამცავი ორგანოები პრევენციულად უზრუნველყოფენ ჩვენი მოქალაქეების გამოხატვის თავისუფლების დაცვას“,-განაცხადა ლომჯარიამ.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა