ირაკლი კობახიძე "ნაციონალურ მოძრაობაზე" - არსებობს იგავი -„კუ და მორიელი“, წყალზე კუს მორიელი გადაჰყავს და კბენს, ეკითხებიან, რატომ კბენს? - ასეთია მათი გვარი, ასეთია ამ პოლიტიკური ძალის გვარი

დღემდე არის კარვები გაშლილი პარლამენტის შენობის წინ, მიშელის დოკუმენტს ხელს არ აწერენ, კარვები აქვთ გაშლილი, გამართლება ბუნებრივია, არც ერთს აქვს და არც მეორეს. ახსნა თუ აქვს, უბრალოდ ეს მინდა ვიკითხო და ამაზე მივიღო ძალიან მარტივად პასუხი, - ამის შესახებ საპარლამენტო უმრავლესობის ლიდერმა, „ქართული ოცნების“ თავმჯდომარე, ირაკლი კობახიძემ პარლამენტის რიგგარეშე სესიის პლენარულ სხდომაზე განაცხადა.

კობახიძემ ოპოზიციის ქმედებები „კუ და მორიელის“ იგავ-არაკს შეადარა.

„ოპოზიციონერი დეპუტატების ნახევარზე მეტს ჯერ კიდევ არ აქვს ხელი მოწერილი მიშელის დოკუმენტზე. ამას რომ გამართლება არ აქვს, ცალსახაა, მაგრამ ახსნა თუ აქვს, ეს მინდა ვკითხო ჩვენს კოლეგებს შესაბამისი ოპოზიციური პარტიებიდან. ამას აქვს ერთადერთი ახსნა, ეს ადამიანები პატივს არ სცემენ ჩვენს სახელმწიფო ინსტიტუტებს. იგივე ეხება რა თქმა უნდა, კარვების საკითხს, დღემდე არის გაშლილი კარვები პარლამენტის შენობის წინ, მიშელის დოკუმენტს ხელს არ აწერენ, კარვები აქვთ გაშლილი, გამართლება ბუნებრივია, არც ერთს აქვს და არც მეორეს. ახსნა თუ აქვს, უბრალოდ ეს მინდა ვიკითხო და ამაზე მივიღო ძალიან მარტივად პასუხი. არსებობს ასეთი იგავი - „კუ და მორიელი“, გადაჰყავს წყალზე კუს მორიელი და კბენს, ეკითხებიან, რატომ კბენს? - ასეთია მათი გვარი. ასეთია ამ პოლიტიკური ძალის გვარი, ასეთია ამ ადამიანების გვარი და ეს არის ერთადერთი ახსნა, სხვა ახსნა მას უბრალოდ არ აქვს, სხვა ახსნა ვერ ექნება იმას, რომ ისინი მიშელის დოკუმენტს დღემდე არ აწერენ ხელს და ეს არის ოპოზიციონერი დეპუტატების ნახევარზე მეტი და ისინი დღემდე არ იღებენ კარვებს პარლამენტის შენობის წინ“, - განაცხადა კობახიძემ.