ნომერ პირველი ინდუსტრიული სამშენებლო კომპანიის წოდება ,,ელემენტ კონსტრაქშენს“ წლის ყველაზე გავლენიან ბიზნეს დაჯილდოებაზე „Golden Brand“ მიენიჭა. აღნიშნული წოდება გადაეცემა კომპანიებს, რომლებიც გამოირჩევიან ხარისხით, სანდოობით და საკუთარი საქმიანობით განსაკუთრებული წვლილი შეაქვთ ქვეყნის განვითარებაში.

,,მშენებლობა გუნდური საქმეა და ეს გამარჯვებაც ,,ელემენტ კონსტრაქშენის“ თითოეულ თანამშრომელს ეკუთვნის. მიღებული ჯილდო მნიშვნელოვანი სტიმულია ჩვენთვის. ,,ელემენტ კონსტრაქშენი“ აქტიურად განაგრძობს ინდუსტრიულ მშენებლობას სხვადასხვა დარგის ყველაზე მსხვილი წარმომადგენლებისთვის“, - განაცხადა კომპანიის აღმასრულებელმა დირექტორმა ლადო ბუსკივაძემ.

წლის ყველაზე მნიშვნელოვანი ბიზნეს დაჯილდოება Global Idea-სა და The FINANCIAL-ის ორგანიზებით ჩატარდა. გამარჯვებულის გამოსავლენ კვლევაში მონაწილეობდნენ: სახელმწიფო და არასამთავრობო ბიზნეს სექტორის წარმომადგენლები, დამოუკიდებელი ექსპერტები ეკონომიკურ საკითხებში, ხელმძღვანელი პირები, ბიზნესის ადმინისტრირების სპეციალისტები, საკონსულტაციო კომპანიები, უმაღლესი სასწავლებლების პროფესორ-მასწავლებლები. პარალელურად, გამოიკითხა 2000-ზე მეტი მომხმარებელი. ,,ელემენტ კონსტრაქშენი“ ნომერ პირველ ინდუსტრიულ სამშენებლო კომპანიად სწორედ მათ დაასახელეს.

ინდუსტრიული ობიექტების პარალელურად, ,,ელემენტ კონსტრაქშენის“ პორტფელში ჰიდროტექნიკური და სამოქალაქო მშენებლობის მიმართულებით საკმაოდ მნიშვნელოვან პროექტებს შეხვდებით.

(R)