კელი დეგნანი - დიდი იმედი გვაქვს, თანმიმდევრობა, რაც გაწერილია 19 აპრილის შეთანხმებაში, განხორციელდება

ჩვენ დიდი იმედი გვაქვს, რომ თანმიმდევრობა, რაც გაწერილია 19 აპრილის შეთანხმებაში, განხორციელდება,- ამის შესახებ საქართველოში აშშ-ის ელჩმა კელი დეგნანმა განაცხადა, სასამართლო სისტემასთან დაკავშირებულ კითხვაზე.

როგორც კელი დეგნანმა აღნიშნა, 19 აპრილის შეთანხმებაში არის მოცემული ის თანმიმდევრობა, რის მიხედვითაც უნდა განხორციელდეს სასამართლო სისტემის რეფორმა.

"თავდაპირველად უნდა განხორციელდეს ინკლუზიური, მრავალპარტიული მსჯელობა, რომლის საფუძველზეც იქნება მიღებული კანონმდებლობა. შემდგომ უკვე ამ კანონმდებლობის შემუშავების და მიღების შემდეგ უნდა განხორციელდეს ის შემდგომი ნაბიჯები, რაც გათვალისწინებულია. ჩვენ დიდი იმედი გვაქვს, რომ თანმიმდევრობა, რაც გაწერილია 19 აპრილის შეთანხმებაში, განხორციელდება”, - აცხადებს ელჩი.