ირაკლი კობახიძე - როგორც არავითარი გამართლება არ აქვს ადამიანებზე, ჟურნალისტებზე ძალადობას, ასევე არავითარი გამართლება არ აქვს ეკლესიის მტრობას

როგორც არავითარი გამართლება არ აქვს ძალადობას ადამიანებზე, ჟურნალისტებზე, ასევე არავითარი გამართლება არ აქვს ეკლესიის მტრობას, - ამის შესახებ პარტია „ქართული ოცნების“ თავმჯდომარემ ირაკლი კობახიძემ პარტიის ოფისში გამართული ბრიფინგის შემდეგ, ჟურნალისტებთან საუბრისას განაცხადა.

როგორც კობახიძე აღნიშნავს, ეკლესიის მტრობა ანტისახელმწიფოებრივი ნაბიჯია.

„როგორც არავითარი გამართლება არ აქვს ძალადობას ადამიანებზე, ჟურნალისტებზე, ასევე არავითარი გამართლება არ აქვს ეკლესიის მტრობას, რასაც ჩვენ ვხედავთ, მათ შორის ბერძენიშვილის და სხვა ადამიანების მხრიდან, რომლებიც ამ პროვოკაციის უკან იდგნენ. აქედან გამომდინარე, ჩვენი რეაქცია არის ცალსახა, ეკლესიის მტრობა არის ანტისახელმწიფოებრივი ნაბიჯი და დამოკიდებულება“, - განაცხადა ირაკლი კობახიძემ.

შეგახსენებთ, „რესპუბლიკური პარტიის“ წევრმა დავით ბერძენიშვილმა სოციალურ ქსელში დაწერა, რომ ხელისუფლება და საპატრიარქო საქართველოს დასავლური არჩევანის მტრები არიან. როგორც ბერძენიშვილი წერს, „ხელისუფლებასთან და მთლიანად პოლიტიკასთან შეზრდილი ანტიდასავლური საპატრიარქოს მხილების და დასჯის დროა“