ენერგოომბუდსმენის სამსახურის დასავლეთ საქართველოს რეგიონული წარმომადგენლობა ახალი, გაფართოებული შემადგენლობით იწყებს მუშაობას.

ენერგოომბუდსმენის აპარატის ინფორმაციით, განახლებული ოფისის გახსნას ენერგოომბუდსმენი სალომე ვარდიაშვილი, საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე დავით ნარმანია, ადგილობრივი თვითმმართველობის, მედიის, სამოქალაქო საზოგადოებისა და აკაკი წერეთლის სახელობის სახელმწიფო უნივერსიტეტის წარმომადგენლები ესწრებოდნენ.

“ წლების განმავლობაში არსებული პრაქტიკის ანალიზმა ცხადყო, რომ დასავლეთის მხარეში აუცილებელი იყო დამცველის სამსახურის გაძლიერება მომხმარებელთა ინტერესების უკეთ დაცვის მიზნით, შესაბამისად, ეს არის მნიშვნელოვანი წინსვლა სამსახურის განვითარების თვალსაზრისით. ენერგოომბუდსმენის დასავლეთის წარმომადგენლობა მოიცავს არაერთ რეგიონს, მოეწყობა გასვლითი შეხვედერები მომხმარებლებთან და აგრეთვე, ყოველდღიურ რეჟიმში მოქალაქეები ადგილზე მიიღებენ სრულყოფილ სამართლებრივ კონსულტაციებს ენერგეტიკის სექტორში მათთვის საინტერესეო საკითხებზე”,- აღნიშნულია გავრცელებულ ინფორმაციაში.

სამსახურის ახალი მისამართია ქუთაისი, გრიშაშვილის 16.