ალბათ, „დელტა“ შტამი რამდენიმე კვირაში დომინანტური იქნება - ჩვენთან შეზღუდვები პრაქტიკულად მოხსნილია, ზოგიერთმა დაიჯერა, რომ კორონა და პანდემია აღარ არის ,- ამის შესახებ ჯანდაცვის სფეროს ექსპერტმა აკაკი ზოიძემ „პალიტრანიუსის“ ეთერში, გადაცემა „360 გრადუსში“ განაცხადა.

როგორც ის აღნიშნავს, მაშინ, როდესაც ღია სივრცეში პირბადის ტარება სავალდებულო აღარაა, პირბადის ტარება „დახურულ სივრცეშიც ავიწყდებათ“.

„ ალბათ, „დელტა“ შტამი რამდენიმე კვირაში დომინანტური იქნება. სხვა ქვეყნების დინამიკით შეგვიძლია ეს ვივარაუდოთ, რეალურია. გაცილებით სწრაფად ვრცელდება, მით უმეტეს, იმ პირობებში, რომ ჩვენთან შეზღუდვები პრაქტიკულად მოხსნილია და ზოგიერთმა შეზღუდვების მოხსნასთან ერთად ისიც დაიჯერა, რომ კორონა და პანდემია აღარ არის, საერთოდ აღარ ვრცელდება, სიფრთხილეს არ იცავენ.

ნიღბის ტარება სავალდებულო დარჩა დახურულ სივრცეში, მაგრამ ღია სივრცეში, რომ მოიხსნა ეს ვალდებულება, ბევრ ადამიანს დახურულ სივრცეშიც ავიწყდება პირბადის ტარება.

ღია სივრცეში თუ მჭიდრო კონტაქტია, „დელტა“ შტამის პიროებებში საშიშროება, რომ ღია სივრცეში „დელტა“ შტამი გადაგვედოს, გაცილებით მაღალია“, - აღნიშნავს ზოიძე.