დეკანოზი ანდრია ჯაღმაიძე - ძალიან სამწუხაროა, რომ ასეთი პოლარიზებული აღმოჩნდა ჩვენი საზოგადოება - გვმართებს, რომ ვიყოთ სიყვარულით სავსენი

მეტი თანაგრძნობა გვმართებს, ნებისმიერი ადამიანის წასვლა, რა მიზეზიც არ უნდა იყოს, ძალიან სამწუხაროა, - ამის შესახებ საქართველოს საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ „ტვ პირველის" ოპერატორის, ლექსო ლაშქარავას გარდაცვალებაზე საუბრისას განაცახდა.

მისივე თქმით, გვმართებს, რომ ვიყოთ სიყვარულით სავსენი და ერთმანეთი გავაძლიეროთ.

„ძალიან სამწუხაროა, რომ ასეთი პოლარიზებული აღმოჩნდა ჩვენი საზოგადოება. ჩვენ გვმართებს, რომ ვიყოთ სიყვარულით სავსენი, ერთმანეთი გავაძლიეროთ, ამ ერთობაში ჩვენი, ყველას საკეთებელი საქმე ვაკეთოთ. პავლე მოციქულის სიტყვებია, რომ ქრისტემ შეირიგა ქვეყანა, ადამიანს არ შეურაცხა მათი ცოდვები და შერიგების სიტყვა დაგვიტოვა. ამიტომ გვმართებს მეტი თანაგრძნობა. მინდა, სამძიმარი ვუთხრა ოჯახს, მის მეგობრებს, კოლეგებს. ნებისმიერი ადამიანის წასვლა, რა მიზეზიც არ უნდა იყოს, ძალიან სამწუხაროა. ძალიან ახალგაზრდა ადამიანი წავიდა, გულით ვიზიარეთ ამ წუხილს",-აღნიშნავს ჯაღმაიძე.

ჟურნალისტის კითხვაზე, ხედავს თუ არა ის, 5-6 ივლისს განვითარებულ მოვლენებში საქართველოში ამერიკის ელჩის კელი დეგნანის როლს, ჯაღმაიძე აღნიშნავს: " ის, რომ მოსახლეობის დიდი ნაწილი უკმაყოფილებას გამოთქვამს იმის გამო, რომ სხვადასხვა ქვეყნის ელჩი ამ საკითხში ერევა, ფაქტია. მოვისმინეთ არაერთი მსგავსი განცხადება".

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე