ხელისუფლების პასუხისმგებლობაა, რომ უზრუნველყოს მშვიდობიანი გარემო მოქალაქეებისთვის, რათა მათ შეძლონ კონსტიტუციით გარანტირებული უფლებებით სარგებლობა, - ამის შესახებ საქართველოში ამერიკის შეერთებული შტატების ელჩმა კელი დეგნანმა განაცხადა.

მისი თქმით, სამწუხაროდ, 5-6 ივლისს საზოგადოებამ ვერ დაინახა, რომ უზრუნველყოფილი იყო კონსტიტუციური უფლებები, მათ შორის, ჟურნალისტებისთვის, რომ მათ პროფესიული საქმიანობა უსაფრთხო გარემოში განეხორციელებინათ.

„უზრუნველყოფილი უნდა იყოს შეკრებისა და გამოხატვის უფლებით სარგებლობა, მათ შორის, ჟურნალისტებისთვის, რომ თავისი პროფესიული საქმიანობა უსაფრთხო გარემოში განახორციელონ. ვფიქრობ, სამწუხაროა, რომ ეს 5-6 ივლისს ვერ დავინახეთ და ახლა იმედი მაქვს, რომ უფრო მეტად დაფასდება თუ რამდენად ღირებული და მნიშვნელოვანია ეს თავისუფლებები და იმედი მაქვს, უფრო მეტი ძალისხმევის გამოყენება მოხდება, რათა უზრუნველყოფილი იქნას საქართველოს მოქალაქეებისთვის კონსტიტუციური უფლებების გამოყენება და უსაფრთხო გარემო,“ - განაცხადა დეგნანმა.