შარლ მიშელი თავისი რეპუტაციის დასაცავად ბრუნდება საქართველოში, რადგან უკვე ყველამ ზუსტად გაითავისა, რომ „ქართულ ოცნებასთან“ არაფერზე მოლაპარაკება და ნდობა არ შეიძლება. არსებული კრიზისული მდგომარეობიდან კი, ვადამდელი არჩევნების გარდა ვერაფერი გამოგვიყვანს, - ამის შესახებ პოლიტიკური მოძრაობა „ტრიბუნას“ ლიდერმა დავით ჭიჭინაძემ განაცხადა.

მისივე თქმით, სანქციები პირველ რიგში ბიძინა ივანიშვილს უნდა დაუწესდეს.

„20 ივნისის მერეც ვნახეთ გადადგომები და მანამდეც, რამდენიმე რეზონანსული საქმის შემდეგ, მაგრამ ყველა გადამდგარი მალევე დაწინაურდა, ან მეორედ დაგვიბრუნდა. ამიტომ არ ნიშნავს ახლა არაფერს ღარიბაშვილის გადადგომა - მონა რა გვარი იქნება რა მნიშვნელობა აქვს?! არც ღარიბაშვილზე, ან თუნდაც დანარჩენ „მეოცნებეებზე“ დაკისრებული სანქციები უნდა ადარდებდეს ივანიშვილს დიდად. მთავარი ფიგურა ივანიშვილია და სწორედ მასზე უნდა გავიდეს სანქციების ხაზი. ის უნდა აიძულონ, რომ ქართველი ხალხის ნებას დამორჩილდეს. შარლ მიშელი კი, თავისი რეპუტაციის დასაცავად ბრუნდება საქართველოში, რადგან უკვე ყველამ ზუსტად გაითავისა, რომ „ქართულ ოცნებასთან“ არაფერზე მოლაპარაკება და ნდობა არ შეიძლება. არსებული კრიზისული მდგომარეობიდან კი, ვადამდელი არჩევნების გარდა ვერაფერი გამოგვიყვანს “, - განაცხადა ჭიჭინაძემ.