კახა კალაძეს „კრიმინალური წარსულის მქონე“ პოლიტიკოსი ეჯიბრება, - ასე ეხმაურება საპარლამენტო უმრავლესობის წევრი მიხეილ სარჯველაძე ოპოზიციის ნაწილის მხრიდან თბილისის მერობის კანდიდატად ნიკა მელიას დასახელებას.

როგორც მან „პალიტრანიუსის“ გადაცემა „360 გრადუსში“ განაცხადა, კალაძის სახით ერთ მხარეს დგას საქმის მკეთებელი ადამიანი, მელიას სახით მეორე მხარეს კი ადამიანი, რომელმაც საზოგადოებას თავი „შარით“ დაამახსოვრა.

„ერთ მხარეს არის საქმის მკეთებელი, პროგრესის მომტანი ადამიანი ყველა სფეროში და მეორე მხარეს შემოთავაზებული გვაქვს... რით დაგამახსოვრათ თავი? - შარით. იყო სახელმწიფო მოხელე, მერე მისცეს პასუხისგებაში და ამაზე ნასამართლეობა აქვს. ასეთ კრიმინალური წარსულის მქონე უნდა შეეჯიბროს.

ამორფული ოპოზიციის დიდი ნაწილის ქმედებების გამო, მივიღეთ ისეთი მდგომარეობა, სადაც სამართლიანად ჩატარებული არჩევნების შედეგად, რაც ევროპამაც აღიარა, ოპოზიცია აბსოლუტურად უაზროდ გაჯიუტებით ქმნიდა ხელოვნურ კრიზისს“, - განაცხადა მიხეილ სარჯველაძე.