გიორგი გახარია - თბილისში დავიბადე, გავიზარდე, ამ ქალაქის სისხლი და ხორცი ვარ და ბევრზე უკეთესად ვიცი, რა სჭირდება ამ ქალაქს

სამწუხაროდ, უნდა ვაღიაროთ, რომ ჩვენ, ჩვენი დიდი ოცნება უკეთესი საქართველოსი, დღეს უნდა დავიცვათ ორგანიზაცია „ქართული ოცნების“ დღევანდელი ბოსებისგან, - ამის შესახებ პარტია „საქართველოსთვის“ თავამჯდომარემ და თბილისის მერობის კანდიდატმა გიორგი გახარიამ მერობის, მაჟორიტარობის კანდიდატებისა და თბილისის საკრებულოს წევრობის სიის წარდგენისას განაცხადა.

როგორც მან პრეზენტაციისას აღნიშნა, თბილისს დღეს ყველაზე მეტად სჭირდება ღირსებისა და სამართლიანობის შენარჩუნება, სჭირდება კორუფციისა და ნეპოტიზმისგან დაცლილი და სუფთა გარემო და ამასთანავე, ამ ქალაქს სჭირდება დიდი ამბიციები, რომ გახდეს რეგიონში ყველაზე დიდი მეგაპოლისი.

„მე კიდევ ერთხელ მინდა გითხრათ, რომ ჩემი გადაწყვეტილება, პირველ რიგში, განპირობებულია უაღრესად დიდი სოლიდარობის გრძნობით თითოეული ჩვენი მერის კანდიდატობის მიმართ, რომლებსაც უაღრესად უმძიმეს პირობებში უწევთ ყოველდღიურად მუშაობა, იმიტომ, რომ ჰქონდეთ შესაძლებლობა, მიიღონ მონაწილეობა არჩევნებში იმისთვის, რომ ღია, კონკურენტულ გარემოში ჩვენს მოქალაქეებს დაუმტკიცონ, რომ ყველაზე უკეთესები არიან.

ეს არის ის სამართლიანი გარემო, რომელსაც ჩვენ ორგანიზაცია „ქართული ოცნება“ გვპირდებოდა წლების წინ. რა თქმა უნდა, ამ წლების განმავლობაში ბევრი მიღწევა იყო და ბევრი რამ შეიცვალა, სწორედ ეს არის ის პასუხისმგებლობა, რატომაც ჩვენ აქ ვდგავართ. მე მინდა გითხრათ, რომ მე ამ ქალაქში დავიბადე, თბილისში გავიზარდე, მე ამ ქალაქის სისხლი და ხორცი ვარ და ბევრზე უკეთესად ვიცი, რა სჭირდება ამ ქალაქს და ისიც კარგად მესმის, რომ დღეს ამ ქალაქს ყველაზე მეტად სჭირდება ღირსებისა და სამართლიანობის შენარჩუნება, ამ ქალაქს სჭირდება კორუფციისა და ნეპოტიზმისგან დაცლილი და სუფთა გარემო, ამ ქალაქს, ამასთან ერთად, სჭირდება დიდი ამბიციები, რომ გახდეს რეგიონში ყველაზე დიდი მეგაპოლისი. ამ ქალაქს სჭირდება მეგაპროექტები. ჩვენ კონკრეტულ გეგმას შევთავაზებთ თბილისელებს, როგორ უნდა გახდეს თბილისი პირველი მეგაპოლისი ჩვენს დიდ რეგიონში. ამისთვის ჩვენ უაღრესად სწრაფად სატრანსპორტო კვანძებით უნდა დავაკავშიროთ ერთმანეთთან თბილისი, ლილო, რუსთავი, განვავითაროთ მეტრო, ეს იქნება უაღრესად დიდი ეკონომიკური ენერგიის მატარებელი არა მხოლოდ თბილისისთვის, არამედ, რა თქმა უნდა, რეგიონისა და საქართველოსთვის და ეს ყველაფერი კონკრეტული გათვლებით, დაფინანსებით წყაროებით წარვუდგენთ თბილისელებს თითოეულ უბანში. რა თქმა უნდა, მნიშვნელოვანია თბილისის სატრანსპორტო განვითარება, ინფრასტრუქტურა, მწვანე და ეკოლოგიურად სუფთა გარემო, გონივრული ურბანული მიდგომა, მაგრამ ყველაზე მნიშვნელოვანია ღირსება და სამართლიანობა. ეს ის გარემოა, რომელშიც მხოლოდ და მხოლოდ თბილისელები იგრძნობენ თავს კომფორტულად და თითოეული ხელისუფლის ვალდებულებაა, პირველ რიგში, იზრუნოს ამ ქალაქის თითოეულ მოქალაქეზე, მის კომფორტულ საცხოვრებელ გარემოზე და, რა თქმა უნდა, სტუმრებზეც“, - განაცხადა გახარიამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს