გენერალური პროკურორის 3/5-ის უმრავლესობით არჩევის საკითხი პლენარულ სხდომაზე გადაწყდება

გენერალური პროკურორის 3/5-ის უმრავლესობით არჩევის საკითხი პლენარულ სხდომაზე გადაწყდება.

საკონსტიტუციო ცვლილებების იურიდიულ საკითხთა კომიტეტის სხდომაზე განხილვისას, პროექტის წარმდგენმა შალვა პაპუაშვილმა კოლეგებს შესთავაზა, კომიტეტმა კონსტიტუციურ ცვლილებებს იმ დათქმით დაუჭიროს მხარი, რომ ვისაც მიაჩნია, რომ გენერალური პროკურორის კვალიფიციური უმრავლესობით არჩევა სწორი ნორმაა, პლენარულ სხდომაზე შესაბამისს არგუმენტებს წარადგენს.

“იმ გამოცდილების გათვალისწინებით, რაც პარლამენტმა ცესკოს თავმჯდომარის არჩევის პროცესში მიიღო, მიგვაჩნია, რომ კვალიფიციური უმრავლესობით არჩევის ინიციატივა რეალურ პრაქტიკასა და პოლიტიკაში არ იძლევა შედეგს, წარმოდგენილი კანდიდატი კონსენსუსით აირჩეს. ეს ნორმა პროცესისა და ინსტიტუციის მუშაობის შეფერხების რისკს ქმნის“, - განაცხადა შალვა პაპუაშვილმა იურიდიულ საკითხთა კომიტეტის სხდომაზე.

მან აქვე აღნიშნა, რომ 19 აპრილის შეთანხმება ანულირებულია და მასში წარმოდგენილი ინიციატივების მიღების ვალდებულება არ არსებობს.

“მნიშვნელოვანია, არსებობდეს რაციონალური არგუმენტები, რაც ამა თუ იმ ნორმის უკან იქნება“, - დასძინა პაპუაშვილმა.

პაპუაშვილის ინიციატივა კომიტეტის თავმჯდომარემ ანრი ოხანაშვილმა გაიზიარა. ოხანაშვილმა ოპოზიციონერ კოლეგებს მიმართა, პლენარულ სხდომაზე წარმოადგინონ არგუმენტები, თუ რომელ დემოკრატიულ ქვეყნებშია გენერალური პროკურორების არჩევის მსგავსი მოდელი და შეიცავს თუ არა რისკებს, პარლამენტში წარდგენილი ინიციატივა.

პარლამენტში ინიცირებული პროექტით, გენერალური პროკურორი კვალიფიციური უმრავლესობით - 90 ხმით ირჩევა, ხოლო თუკი კვალიფიციური უმრავლესობით არჩევა ვერ მოხდება, 76 დეპუტატის მხარდაჭერა იქნება საკმარისი.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს