საქართველოს ტრადიციული რეწვის ასოციაცია 4-12 სექტემბერს „ტრადიციული რეწვის სახელოსნოების ონლიან ფესტივალს“ გამართავს, რომელიც მიზნად ისახავს ტრადიციული ხელობების პოპულარიზაციას, ტრადიციული ტექნიკის დოკუმენტაციას და ფართო საზოგადოებაში ოსტატების ცნობადობის ამაღლებას. ამის შესახებ „ინტერპრესნიუსს“ USAID-დან აცნობეს.

როგორც ინფორმაციაშია აღნიშნული, ფესტივალი ტარდება სოციალური მედია-კამპანიის სახით, რაც მოიცავს:

4-6 წუთიან ვიდეო-მასტერკლასებს (კერამიკა, ქარგვა, მინანქარი, მატყლის დამუშავება, თელვა, ხალიჩების ქსოვა, უნაგირების დამზადება);

რეწვის ოსტატების შესახებ ისტორიების გაზიარებას;

ონლაინ შეხვედრებს და სემინარებს;

ონლიან ფესტივალი ჩატარდება შემდეგ ფეისბუქ გვერდებზე: International Festival of Crafts Workshops/ სახელოსნოების ფესტივალი:

https://www.facebook.com/craftsworkshopfestival

https://www.facebook.com/heritage.craft2015

https://www.instagram.com/georgiancraftsassociation/

კამპანიის ნაწილი ასევე გაზიარდება ლონდონის რეწვის კვირეულის ფარგლებში გამართული Create Day-ს პლატფორმაზე (https://createday.org). ფესტივალის მხარდამჭერია USAID ზრდა პროექტი საქართველოში.