ირაკლი კობახიძე ოპოზიციას - 19 აპრილის შეთანხმება ანულირებულია და საკონსტიტუციო ცვლილებები თავიდან ბოლომდე ჩვენი კეთილი პოლიტიკური ნებით ხორციელდება - ეს ყველაფერი კარგად დაიმახსოვრეთ!

მინდა შეგახსენოთ, დღეს არავითარი პოლიტიკური შეთანხმება არ არსებობს, 19 აპრილის შეთანხმება ანულირებულია და საკონსტიტუციო ცვლილებები თავიდან ბოლომდე ჩვენი კეთილი პოლიტიკური ნებით ხორციელდება - ეს არის ის, რაც უნდა გახსოვდეთ პირველი მოსმენის, მეორეს მოსმენის და მესამე მოსმენის დროს! - ეს ყველაფერი კარგად დაიმახსოვრეთ! - აღნიშნული განცხადებით პარლამენტის ტრიბუნიდან უმრავლესობის ლიდერმა ირაკლი კობახიძემ ოპოზიციის წევრებს მიმართა.

კობახიძემ განაცხადა ისიც, რომ მმართველ გუნდს არა თუ უარი არ უთქვამს შეთანხმების შესრულებაზე, არამედ პირიქით, “შეთანხმება არ არის და იმასაც მივყვებით“.

“ჩვენ ბრიფინგზე ვთქვით, რომ შეთანხმების ანულირების მიუხედავად, კონსტიტუციური კანონპროექტის განხილვა გაგრძელდებოდა. ანულირების პირობებშიც კი, ჩვენ ამასთან დაკავშირებით ზეპირი პოლიტიკური განცხადება გავაკეთეთ და მას მივყვებით. წარმოდგენილი პროექტი ბოლომდე იქნება განხილული პირველი, მეორე და მესამე მოსმენით კონსტიტუციით დადგენილი პროცედურისა და საპარლამენტო სუვერენიტეტის შესაბამისად“, - განაცხადა ირაკლი კობახიძემ.

პარლამენტი, პლენარული სხდომის ფორმატში, კონსტიტუციურ კანონში დაგეგმილ ცვლილებებს იხილავს. განხილვა პირველი მოსმენით მიმდინარეობს.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს