მთავრობის ადმინისტრაციაში ირაკლი ღარიბაშვილისა და ნიკოლ ფაშინიანის შეხვედრა მიმდინარეობს
საქართველოს პრემიერ - მინისტრი ირაკლი ღარიბაშვილი მთავრობის ადმინისტრაციაში სომეხ კოლეგას, ნიკოლ ფაშინიანს მასპინძლობს.
დახვედრის ოფიციალური ცერემონია რამდენიმე წუთის წინ გაიმართა.
ოფიციალური ვიზიტით სომხეთის რესპუბლიკის პრემიერ-მინისტრი ნიკოლ ფაშინიანი საქართველოს დღეს ეწვია და მისი ვიზიტი ორდღიანია.
მთავრობის ადმინისტრაციის ინფორმაციით, გაიმართება ორი ქვეყნის პრემიერ-მინისტრების შეხვედრა პირისპირ და გაფართოებულ ფორმატში, რის შემდეგაც, ირაკლი ღარიბაშვილი და ნიკოლ ფაშინიანი მედიისთვის ერთობლივ განცხადებებს გააკეთებენ.
საქართველოში ოფიციალური ვიზიტის ფარგლებში, ასევე გაიმართება სომხეთის რესპუბლიკის პრემიერ-მინისტრის შეხვედრა საქართველოს პრეზიდენტ სალომე ზურაბიშვილთან.
ნიკოლ ფაშინიანი, დელეგაციის წევრებთან ერთად, გვირგვინით შეამკობს საქართველოს ერთიანობისთვის ბრძოლაში დაღუპულ გმირთა მემორიალს.
ნიკოლ ფაშინიანის ოფიციალური ვიზიტი ხვალ, 9 სექტემბერს დასრულდება.
შეგახსენებთ, რომ ნიკოლ ფაშინიანი საქართველოს მესამე ოფიციალური ვიზიტით სტუმრობს.
პირველად ის პრემიერის რანგში საქართველოს 2018 წელს ესტუმრა, მეორედ, 2020 წელს.
v-if="article.gallery" v-html="article.gallery"
