პარლამენტში, უზენაესი სასამართლოს მოსამართლეობის კანდიდატის გენადი მაკარიძის საქართველოს კანონმდებლობის მოთხოვნებთან შესაბამისობის დასადგენად, სამუშაო ჯგუფი შეიქმნა.
შესაბამისი გადაწყვეტილება იურიდიულ საკითხთა კომიტეტმა დღევანდელ სხდომაზე მიიღო.
როგორც კომიტეტის თავმჯდომარემ ანრი ოხანაშვილმა განაცხადა, სამუშაო ჯგუფი მუშაობას ადგილობრივი თვითმმართველის არჩევნების დასრულების შემდეგ დაიწყებს, მას შემდეგ, რაც პარლამენტი საკანონმდებლო საქმიანობას დაუბრუნდება.
სამუშაო ჯგუფის მდივანი ფრაქცია „ქართულ ოცნების“ თავმჯდომარის მოადგილე რატი იონათამიშვილი იქნება.
სამუშაო ჯგუფში 13 წევრი ეყოლება „ქართულ ოცნებას“, ხოლო ყველა დანარჩენ ფრაქციას, პოლიტიკურ ჯგუფს და პარლამენტის უფრაქციო წევრებს - თითო-თითო წევრი.
სამუშაო ჯგუფში კვოტები, ასევე განსაზღვრულია პროფესიული წრეების წარმომადგენლებისთვის.