გურამ მაჭარაშვილი - როგორც ჩანს, ზოგიერთს ნარკოტესტის ჩაბარება შეეშინდა

„ქართული ოცნების“ დეპუტატის, გურამ მაჭარაშვილის განცხადებით, ნარკოტესტის ჩაბარების თაობაზე თბილისის მერობის კანდიდატის, კახა კალაძის ინიციატივაში აქცენტი ერთ კონკრეტულ ოპონენტზე, გიორგი გახარიაზე არ ყოფილა.

როგორც მაჭარაშვილმა აღნიშნა, გამოწვევა თავად გახარიამ მიიღო, თუმცა ამ ეტაპამდე ტესტი არ გაუკეთებია.

მაჭარაშვილი იმასაც ამბობს, რომ ნარკოტესტის ინიციატივამ ოპოზიციის სახე გამოაჩინა.

კახა კალაძის ინიციატივა ჯანსაღი ცხოვრების წესის პოპულარიზაციის შესახებ მხოლოდ წინასაარჩევნო კამპანიის პერიოდში არ ყოფილა. ის მერობის დროს ჯანსაღი ცხოვრების პოპულარიზაციის მიზნით არაერთ ინიციატივას ახორციელებდა. ნამდვილად არ მეგონა თუ ასეთ აჟიოტაჟს გამოიწვევდა ელემენტარული ნაბიჯი, რომ ჯანსაღი ცხოვრების წესის პოპულარიზაციისთვის მერობის კანდიდატს ნარკოტესტი ჩაებარებინა და ეთქვა, რომ იმის მიუხედავად, რომ ეს სავალდებულო არ არის, ნარკოტესტს აბარებს. როგორც ჩანს, ზოგს ამის შეეშინდა. შეიძლება ზოგს იმის ამბიცია ჰქონდა, რომ ფიქრობს, რატომ უნდა ჩააბაროს ნარკოტესტი კახა კალაძის ინიციატივის გამო. ამ ნარკოტესტმა ოპოზიციის სახე გამოაჩინა - როდესაც ასეთ ელემენტარულ შემოთავაზებაზე ვერ თანხმდები და არ აკეთებ, გასაგებია, უფრო დიდ საქმეებთან დაკავშირებით, როგორი პრობლემები შეიძლება გქონდეს", - განაცხადა გურამ მაჭარაშვილმა.

მირიან მირიანაშვილი - აშშ-ს სცენარით სამხრეთ კავკასიის რეგიონის გადაფორმატება ხდება, ამ ტენდენციების წინააღმდეგ წასვლა ივანიშვილის მხრიდან პოლიტიკური თვითმკვლელობის ტოლფასი იქნებოდა
ქართული პრესის მიმოხილვა 24.07.2025
PSP-ს კიდევ ერთი სიახლე - ამერიკული „შუგაბიარპროს“ (SugarBearPro) ვიტამინები ჯანსაღი ცხოვრებისთვის
„ზედაზენი“ საქართველოში Heineken-ის ექსკლუზიური წარმომადგენელი გახდა - ქართული ეკონომიკის ახალი ეტაპი
ევროკრედიტი: ტრადიციული ფინანსური ორგანიზაციიდან ფინტექიზაციისკენ - ახალი ეტაპი ციფრულ მომსახურებაში
აღმოსავლეთ ევროპის უნივერსიტეტის სტუდენტმა თამარ აბესაძემ ევროპარლამენტში გამართულ ახალგაზრდულ ფორუმში მიიღო მონაწილეობა
„სილქნეტმა“ მობილურ პაკეტებზე ექსკლუზიური შეთავაზებები დაიწყო