შალვა პაპუაშვილი - სააკაშვილი არის უკრაინის მოქალაქე, რომელსაც უფლება არ აქვს წინასაარჩევნო კამპანიაში ჩაერთოს
მიხეილ სააკაშვილი არის უკრაინის მოქალაქე, რომელსაც უფლება არ აქვს წინასაარჩევნო კამპანიაში ჩაერთოს, სხვათა შორის, აგიტაციაში უცხო ქვეყნის მოქალაქის ჩართვა კანონმდებლობას არღვევს - ამის შესახებ ჟურნალისტებთან საპარლამენტო უმრავლესობის წევრმა შალვა პაპუაშვილმა განაცხადა.
მისი თქმით, მიხეილ სააკაშვილი საკუთარი განცხადებებით ჯარს და პოლიციას შეურაცხყოფს.
„ვხედავთ, რომ ოპოზიცია ნამდვილ წინასაარჩევნო კამპანიას არ აწარმოებს, მათი ძირითადი ხაზი არის მედიის საშუალებით დეზინფორმაციის გავრცელება და ზიზღის ენა. ცოტა ხნის წინ მიხეილ სააკაშვილის მიმართვა ვნახეთ ჯარისკაცების მიმართ, გუშინ იყო პოლიციელების მიმართ. ორივე შეურაცხმყოფელი იყო როგორც ჯარის, ასევე პოლიციის მიმართ - ეს არის შეურაცხყოფა თითოეული ოფიცრის და პოლიციის თანამშრომლის. ამის კვალობაზე მატერიალური დაპირებების გაცემა, ეს კიდევ ზედ დამატებული მეორე შეურაცხყოფაა,"- განაცხადა პაპუაშვილმა.
v-if="article.gallery" v-html="article.gallery"
