ზურაბ აბაშიძე „ქართული ოცნების" მთაწმინდის ახალგაზრდული ორგანიზაციის წევრებს შეხვდა

მმართველი პარტიის თბილისის საკრებულოს მთაწმინდის რაიონის მაჟორიტარი დეპუტატობის კანდიდატმა ზურაბ აბაშიძემ წინასაარჩევნო შეხვედრა „ქართული ოცნება - დემოკრატიული საქართველოს'' მთაწმინდის ახალგაზრდული ორგანიზაციის წარმომადგენლებთან გამართა, მათთან რაიონის განვითარების პერსპექტივები განიხილა და ამ მიმართულებით დაგეგმილ პროექტებზე იმსჯელა.

შეხვედრაში მონაწილეობა თბილისის საკრებულოს წევრობის კანდიდატებმა – გიგა ახვლედიანმა, ლევან აბაშიძემ და ნიკო კახეთელიძემ მიიღეს.

ზურაბ აბაშიძემ ახალგაზრდებისთვის ხარისხიან განათლებაზე ხელმისაწვდომობის გაზრდის მიზნით განხორციელებული პროექტების მნიშვნელობას გაუსვა ხაზი და აღნიშნა, რომ ქვეყანას ჰყავს გამორჩეული ახალი თაობა განსაკუთრებული შესაძლებლობებით და ყველაფერი უნდა გაკეთდეს იმისთვის, რომ ამ ახალგაზრდებს თვითრეალიზებისა და განვითარების საშუალება მიეცეთ.

"იმ ენერგიასა და შემართებას, რაც თქვენ გაქვთ, განსაკუთრებული დაფასება სჭირდება და ჩვენი მიზანიც სწორედ ის არის, რომ ახალგაზრდების შესაძლებლობები რაიონის განვითარების მთავარი საფუძველი გავხადოთ.

მაქსიმალურად მხარს დავუჭერ თითოეული თქვენგანის პიროვნულ განვითარებას და, თქვენი მხარდაჭერით, ვიზრუნებ ახალგაზრდებში სამოქალაქო ცნობიერების ამაღლებისა და ჯანსაღი ცხოვრების წესის დანერგვის წახალისებაზე. ყოველგვარი წინასაარჩევნო კამპანიის მიღმა, მიგულეთ თქვენს გვერდით. მე პირადად, შესაძლებლობების ფარგლებში, ყველანაირად შევეცდები ხელი შევუწყო თქვენი წამოწყებების, ინიციატივებისა და მიზნების განხორციელებას", - მიმართა ზურაბ აბაშიძემ ახალგაზრდებს.

მაჟორიტარობის კანდიდატმა სამომავლო გეგმებზე მუშაობის პროცესში ახალგაზრდების ჩართულობის მნიშვნელობაზეც გაამახვილა ყურადღება. მისი თქმით, მათი დიდი ნაწილი წელს პირველად მიიღებს არჩევნებში მონაწილეობას, რაც ძალიან მნიშვნელოვანია, რადგან ახალი თაობა ორიენტირებულია პროგრესზე, რაც აუცილებელია როგორც ქალაქის, ასევე ქვეყნის განვითარებისთვის.

შეხვედრაზე საუბარი ასევე შეეხო ისეთ მნიშვნელოვან საკითხებს, როგორიცაა: რაიონის ტურისტული პოტენციალის გაძლიერება, ახალგაზრდების დასაქმების ხელშეწყობა და მათთვის დამატებითი სივრცეების მოწყობა.

დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
ქართული პრესის მიმოხილვა 02.12.2022
ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება
სრულიად ახალი Toyota Corolla Cross
„ფარმადეპო“ მომხმარებლებს მედიკამენტებზე გარანტირებულად ყველაზე ხელმისაწვდომ ფასს სთავაზობს
საქართველოს უნივერსიტეტის ქართულ-ამერიკული კინოაკადემია აცხადებს კონკურსს „ვეფხისტყაოსანის“ ილუსტრაცია
საუკეთესო შეთავაზებები "სამსუნგის" მხოლოდ ოფიციალურ ტელევიზორებზე