კახა კალაძის განცხადებით, არავის უთქვამს, რომ გიორგი გახარია ნარკოდამოკიდებულია და ამ საკითხზე ეჭვი გახარიას ქმედებებმა გააჩინა

დედაქალაქის მერის, კახა კალაძის განცხადებით, არავის უთქვამს, რომ გიორგი გახარია ნარკოდამოკიდებულია და ამ საკითხზე ეჭვი გახარიას ქმედებებმა გააჩინა.

როგორც კალაძემ აღნიშნა, გახარიასთან პოლემიკაში შესვლას არ აპირებს და არჩევნების შემდეგ “ყველაფერზე ვრცლად ისაუბრებს”.

“არავის უთქვამს, რომ გიორგი გახარია ნარკოდამოკიდებულია. გახარიამ თავისი ქმედებებით გააჩინა ეჭვი. გიორგი გახარიასთან დაკავშირებით არ ვაპირებ პოლემიკაში შესვლას. მე მაქვს ჩემი დამოკიდებულება. არჩევნების შემდეგ ვრცლად ვისაუბრებ ყველაფერზე. არჩევნებზე ამ თემაზე საუბარი არ მინდა”,- განაცხადა კალაძემ.