„ტვ ფორმულა” ივანიშვილის ახალი სამიზნეა - მოვუწოდებ ჩვენს მოქალაქეებს 2 ოქტომბერს მოვიდნენ არჩევნებზე და ერთად დავიწყოთ ბიძინა ივანიშვილის მმართველობის ცვლილება, - ამის შესახებ „მესამე ძალა-სტრატეგია აღმაშენებლის“ მერობის კანდიდატმა, თამარ კეკენაძემ განაცხადა.

თამარ კეკენაძის თქმით, ქართული საზოგადოება ბოლომდე იდგება სიტყვის თავისუფლების დასაცავად.

„როგორც ჩანს ბიძინა ივანიშვილს ახალი სამიზნე აქვს, კიდევ ერთი კრიტიკული მედიის, ტელეკომპანია „ფორმულას“ გაჩუმება. არჩევნებამდე ორი დღით ადრე, მსგავსი კამპანიის აგორება, კიდევ ერთი მკაფიო გამოვლინებაა, რა ტიპის ძალადობრივ მეთოდებს იყენებს „ქართული ოცნება“ მედიის, ოპოზიციურად განწყობილი პოლიტიკური ძალების და აქტიური სამოქალაქო საზოგადოების გასაჩუმებლად.

სოლიდარობას ვუცხადებ ტელეკომპანია „ფორმულას“ ყველა ჟურნალისტს. ჩვენ ყველანი, ქართული საზოგადოება ბოლომდე ვიდგებებით სიტყვის თავისუფლების დასაცავად. სწორედ ამიტომ, მოვუწოდებ ჩვენს მოქალაქეებს 2 ოქტომბერს მოვიდნენ არჩევნებზე და ერთად დავიწყოთ ბიძინა ივანიშვილის მმართველობის ცვლილება“,- აღნიშნავს კეკენაძე.