ჩვენი ქალაქის და ქვეყნის განვითარება, ძლიერი რეგიონები არის ის დაპირება, რომელიც გავეცით წინასაარჩევნოდ და დარწმუნებული ვარ, ვიამაყებთ ჩვენი შედეგით, - ამის შესახებ პარლამენტის თავმჯდომარე კახა კუჭავამ ჟურნალისტებთან ხმის მიცემის შემდეგ განაცხადა.

მან საკუთარი არჩევანი 76-ე საარჩევნო უბანზე დააფიქსირა. კახა კუჭავა პირველი ამომრჩეველი იყო, რომელმაც ამ უბანზე ხმა მისცა.

“ტრადიციულად მოვედი ჩემს საარჩევნო უბანზე. ვცდილობ ხოლმე მოვიდე პირველი და დღესაც ვიყავი პირველი. რა თქმა უნდა, არჩევანი გავაკეთე კახა კალაძის და “ქართული ოცნების” სასარგებლოდ, რადგან გაგვაჩნია პროგრამა და ხედვა. ჩვენი ქალაქის და ქვეყნის განვითარება, ძლიერი რეგიონები არის ის დაპირება, რომელიც გავეცით წინასაარჩევნოდ და დარწმუნებული ვარ, ვიამაყებთ ჩვენი შედეგით,“ - განაცხადა კუჭავამ.