გიგი უგულავა - გოჭებიდან დაწყებული რა ფულიც იხარჯებოდა, მაინც ვერ მოახერხეს ვერაფერი

თავიდანვე ვვარაუდობდით, რომ ფოთში მეორე ტური იქნებოდა, - ამის შესახებ ფოთში ოპოზიციის მერობის შეთანხმებულმა კანდიდატმა გიგი უგულავამ ჟურნალისტებს განუცხადა. მან მადლობა გადაუხადა მხარდამჭერებს და აღნიშნა, რომ მეტი შანსი აქვს, აუხსნას მოსახლეობას თუ რატომ არის დამღუპველი ოლიგარქია.

მისივე თქმით, ქვეყანას სამარცხვინო ცენტრალური კომისია ჰყავს.

„ჩვენ ვნახეთ, რომ სრულიად სამარცხვინო ცენტრალური საარჩევნო კომისია და საარჩევნო ადმინისტრაცია გვყავს. პრაქტიკულად მათ ადამიანები, საკუთარი თანამშრომლები გაწირეს იმისთვის, რომ 24 საათი ყოფილიყვნენ, დილის 8 საათამდე კი არა და მეორე დღის შუადღემდე ნახევარიც კი არ იყო დათვლილი, ეს ჭირვეულობა რაზეც მიუთითებს ყველანი კარგად ვხვდებით. როგორ „გაეპრავებინათ“, სასურველამდე მიეყვანათ ეს შედეგი.

რაც შეეხება ფოთს, თავიდანვე ვარაუდობდით, რომ მეორე ტური იქნებოდა, მეორე ტური არის. გოჭებიდან დაწყებული რა ფულიც იხარჯებოდა, მაინც ვერ მოახერხეს ვერაფერი. მადლობა მინდა ვუთხრა ყველა ფოთელს, ვინც მხარი დამიჭირა, მონაწილეობა მიიღო ამ პროცესში და მე ვფიქრობ, რომ მეორე ტურში მეტი შანსი გვექნება, მეტ ადამიანს შევხვდე, მეტ ადამიანს ავუხსნა რატომ არის დამღუპველი ფოთისთვის ოლიგარქია და მისი ხელის ბიჭები. დარწმუნებული ვარ, რომ ის გეგმები, რომელიც გვაქვს ფოთს გამოიყვანს კრიზისიდან“, - განაცხადა უგულავამ.

მისივე შეფასებით, ფოთში საარჩევნო პროცესი თითქოს მშვიდად წარიმართა, თუმცა „ქართულმა ოცნებამ“ გამოიყენა ყველაფერი, რასაც ყოველ არჩევნებზე აკეთებდა.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო