კახა კახიშვილი - როცა მისი კოლეგები საუბრობენ, რომ სააკაშვილი კარგ პირობებშია და თავაზიანად ექცევიან, ეს ჩვენი დამსახურებაა - იქნებ გაიხსენონ შევარდნაძის ხელისუფლების პოლიტიკური თანამდებობის პირები დაპატიმრების შემდეგ რა პირობებში ჰყავდათ

როდესაც მისი კოლეგები საუბრობენ, რომ მიხეილ სააკაშვილი კარგ პირობებშია და თავაზიანად ექცევიან, ეს ჩვენი დამსახურებაა, იქნებ გაიხსენონ ედუარდ შევარდნაძის ხელისუფლების პოლიტიკური თანამდებობის პირები დაპატიმრების შემდეგ რა პირობებში ჰყავდათ, - ამის შესახებ „ქართული ოცნების“ წევრმა, დეპუტატმა კახა კახიშვილმა განაცხადა.

ამასთან, როგორც კახიშვილმა სააკაშვილის შიმშილობასთან დაკავშირებით განაცხადა, მისი პრეზიდენტობის დროს ციხეებში საჭმელი არ იყო და „ყველა პატიმარი ისედაც შიმშილობდა“.

„ნამდვილად არ მიხარია ციხეში არავის ჯდომა, მითუმეტეს ამ სისტემის მინისტრი ვიყავი. მაგრამ მინდა, სხვაობა ნახოთ, როდესაც ედუარდ შევარდნაძის ხელისუფლების პოლიტიკური თანამდებობის პირები დაიჭირეს - სულხან მოლაშვილი, მირცხულავა და ა.შ., სად იჯდნენ, რა პირობებში, ჰქონდათ თუ არა მხარდამჭერებს მათთან შესვლის საშუალება და რას ფიქრობდა მათი ოჯახი - იმაზე კი არ ფიქრობდა, რა სასამართლო განიხილავს, რამდენ ბრალს დაუტოვებენ, იმაზე ფიქრობდნენ, იქიდან ცოცხლები გამოვლენ, თუ - არა; შეგნებულად ჩასვამენ ტუბერკულოზით დაავადებულ ადამიანებთან, თუ - არა.

როდესაც საუბრობენ შიმშილობის გამოცხადებაზე, კარგია, რომ დღეს შიმშილობის გამოცხადება პიროვნების ნების გამოხატულებაა, როდესაც წლების განმავლობაში ეს ჩვეულებრივი მოვლენა იყო, რადგან ციხეში საჭმელი ისედაც არ იყო და ყველა შიმშილობდა. როდესაც ვსაუბრობთ იმაზე, რომ მიხეილ სააკაშვილი კარგ პირობებშია, ეს მისმა კოლეგებმა განაცხადეს, ეს ჩვენი დამსახურებაა. როდესაც ვსაუბრობთ იმაზე, რომ სისტემის თანამშრომლები კარგად ექცევიან, პოლიციამ თავაზიანად მიიყვანა იქ, სადაც უნდა მიეყვანა, ესეც სისტემის დამსახურებაა, იმიტომ, რომ ზიზღზე აგებული თანამშრომლები არ გაუშვეს დასაკავებლად. დაკავება მოხდა არა ღირსების შელახვის საფუძველზე. გვახსოვს ჩვენ ღირსებაშემლახველი დაკავებები, როდესაც ქალბატონებს ღამის პერანგებში ათრევდნენ, თითქოს მის მეუღლეს, თუ დასაჭერი იყო, ისე ვერ დაიჭერდნენ“, - განაცხადა კახიშვილმა.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო