გოგიტა თოდრაძე გაეროს მსოფლიო მონაცემთა ფორუმში მონაწილეობს

„საქსტატის“ აღმასრულებელი დირექტორი გოგიტა თოდრაძე მსოფლიო მონაცემთა ფორუმში მონაწილეობს, რომელიც შვეიცარიის დედაქალაქ ბერნში, 3-დან 6 ოქტომბრის ჩათვლით მიმდინარეობს. ამის შესახებ ინფორმაციას „საქსტატი” ავრცელებს.

მათივე ცნობით, მსოფლიო მონაცემთა ფორუმი აერთიანებს სტატისტიკოსებს და ინფორმაციის მომხმარებლებს კერძო და სახელმწიფო სექტორიდან, საერთაშორისო და რეგიონალური ორგანიზაციებიდან, ასევე მედიის, აკადემიის და სამოქალაქო საზოგადოებიდან.

„ფორუმი რამდენიმე თემატური მიმართულებით მიმდინარეობს, მათ შორისაა უკეთესი მონაცემებისთვის ახალი შესაძლებლობების განვითარება, ინოვაციები და თანამედროვე ტექნოლოგიები ოფიციალური სტატისტიკის წარმოების პროცესში, სტატისტიკური მონაცემებისადმი მომხმარებელთა ნდობის ამაღლება და სხვა.

ფორუმის გახსნისას მონაწილეებს სიტყვით მიმართეს გაეროს გენერალურმა მდივანმა - ანტონიუ გუტერეშმა, გაეროს სტატისტიკის სამმართველოს (UNSD) დირექტორმა და ქ. ბერნის მერმა.

ოთხ დღიანი ფორუმის ფარგლებში გოგიტა თოდრაძე მონაწილეობას ღებულობს სხვადასხვა პანელურ დისკუსიებში და სამუშაო შეხვედრებში, რომლებიც გაეროს და სხვა საერთაშორისო ორგანიზაციების ორგანიზებით იმართება.

ფორუმში მონაწილეობს მსოფლიოს 100-ზე მეტი ქვეყანის 1500-მდე წარმომადგენელი, მათ შორის არიან სხვადასხვა ქვეყნის სტატისტიკის სამსახურების ხელმძღვანელი პირები, საერთაშორისო და ადგილობრივი ორგანიზაციების წარმომადგენლები, ექსპერტები და მაღალი თანამდებობის პირები“, - აღნიშნულია გავრცელებულ ინფორმაციაში.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
4-5 ივნისს თბილისის საკონცერტო დარბაზში „ერისიონი“ ახალი პროგრამით წარდგება
IF Design-ის 2022 წლის ღონისძიებაზე ჰიუნდაიმ 9 ჯილდო მოიპოვა
რომელ Galaxy A სმარტფონს ირჩევ შენ?
ვებსტერის უნივერსიტეტსა და თიბისის შორის მემორანდუმი გაფორმდა
ლიბერთი ბანკი - დიდი პასუხისმგებლობა და პატივია უნიკალური ინფრასტრუქტურით მოვემსახუროთ სოციალური გასაცემლების მიმღებ პირებს